اذا كان الفصل الاول مالدستور يقعد كيما هو تونس
دولة دينها الاسلام فهل يمكن القوانين الجديدة باش تخالف الشريعة ؟
السؤال هذا ممكن يكون المصيبة الكبرى بعد ما يكمل الدستور و يوافق عليه الشعب
او يوافقو عليه القوى الديمقراطية في التاسيسي
الفصل الاول كان يقعد في المهموتة ممكن تونس تتحول بسهولة لدولة
دينية يحكم فيها الكهنوت و تولي المدّبيّة هي اللي تقرر
اذا كان قانون معيّن يخالف الشريعة ... بالظبط كيما صاير و باش
يصير في مصر باش يولي النقاش شكون يحدد انو القانون يخالف الاسلام و هنا المدبية هوما اللي يقررو ... معناها يحكمو
نظام التصويت الاول اللي قدمتو النهضة كان حسب رايي في صالح القوى
التقدمية
يكفي انو يتقدمو بمشروع فصل يمنع الخطر هذا .. و بالمشروع الاول متاع النهضة
الفصل ممكن يتعدى رغما عن النهضة في التصويت الثالث 50 زايد واحد
لكن حتى توة و بعد مافات الفوت انا نراها حاجة مصيرية اهم من كل
شي ... الفصل الاول يلزمو فصول اخرى توضحو
Aucun commentaire:
Enregistrer un commentaire