التوانسة اكثر سعادة من الاوروبيين-2

صابر بدى يفدّ ... عزيزة تحلـّت كي الفاشكة .. الماكلة و النوم .. كثر الوحم .. وماعادش لاهية بروحها جملة ...ولا ّت عندها غابة استوائية ... و غابتين شمالية شرقية و شمالية غربية ... امّا صابر برغم هذا فرحان باش يموت ... باش يولـّي بو ... المال و البنون .. قعد كان المال ... ينوب ربّي ... البنون ما عندك ما تقول فيهم ..
پيتر صاحب انجل الجديد قلـّها تخلـّي الصّغير ... قالها مرخوفة .. انجل خايفة ... موش عارفة تطيّح الصغير و لا ّ لا ..انجل قرّرت تخلـّيه ... بالك يدخّللها البهجة على حياتها .. عندها توى 7 شهر مع بيتر ... كعبة كاتاپلازما .. كبّي ... آهاوكة ماللـّزز و برّة ... بيتر ڤطـّع بيها بعد ما جا الصغير بشهرين ... كرّزو حسّ الفرخ الصّغير ... و زيد شاكك اللي هو ولدو جملة .. ما يشبهلوش .. و يعرف اللي انجل ملهط .. و اللي الحجرة ما تذوب .. انجل باش تهبل وحّدها ... كرهت حياتها ... عزيزة جابت طفل زادة ... فرحانة بيه باش تموت ... فطامه في عامين ... انجل تخاف لا صدرها يطيح ... تشرّب فيه في حليب تشري فيه ... عزيزة زادت تحلـّت ... آنجل بدات تتحلّ .. هي من قبل موش زڥالت كيما يحبّو الالمان ... امّا كان تزيد تسمن شوية ... مكهبة عالـ 27 .. و زيد عندها بيبي .. شكون مازال باش يغزرلها ?...
عزيزة عدّات بقية عمرها مع صابر .. حلو ومر حتى يوفى العمر .. زادت جابت زوز بنات ... أنجل عدّات بقية عمرها تلوّج على راجل ... مرّة حبّت تجرب لي افريكان ... سمعت اللي عندهم اكبر حتى من نيلز ... عملت شويّة جوّ .. مشكلتها ما تحبّش تخرج معاه للشارع ... الناس الكل تغزر .. تلبس في لونات شمس حتى كي يبدا الثلج يصبّ .. الافريكان صمرها ... حاشتو بالاوراق ... عارفها جوست تحبّ تعملو عاهرة مذكّر ... ڤلـّها نعرّسو .. في بالها بالنتيجة هذي .. امّها و بوها قطعوها خاطرها مع كحلوش .. باش الناس ما يقولوش عليهم راسيست قالو احنا ماعنـّا شي ضدّ الكحالش امّا نعرفوه يحبّ جوست يقعد في المانيا ... كل ما يزيد نهار تزيد تكبر .. و كل ما تزيد تكبر تزيد تعفـّط ..كان في الدّنيا هذي ما تشيخش معناها حياتها تعدّات ساڥاپا ... عزيزة ايمانها ايمان عجائز ... حتى كان ماكليتش توّى تو ناكل في الجّنة ...حتى كان ما عملتش توى تو نعمل في الجنة ...
الاربعة كهّبو عالاربعين : صابر و عزيزة و بيتر و انجل ...

يتبع

التوانسة اكثر سعادة من الاوروبيين-1-

توّى زعمة علاش احنا ديمة نقلـّدو في الڤورّة ؟ زعمة خاطر احنا نظنـّو اللي هوما عايشين سعداء اكثر منّا؟ علاش اسعد منا ؟الحرية ؟الفلوس؟ الكونفور ؟ الانفراستروكتور؟
هاو باش نثبتلكم اللي احنا اكثر سعادة منهم بالدّليل ....
باش ناخذو مثال زوز نسا .. تونسية و المانية .. انا عشت المجتمعات الزوز .. دُنك نعرف بالظبط على شنية قاعد نحكي ... الزوز نسا يمثلو السواد الاعظم متاع المجتمعات الزوز .. 80 في الماية ... و باش نحكيو عالجينيراسيون اللي اعمارهم توى بين الاربعين و الخمسين .. نتبّعو النسا الزوز ماللي تولدو ... توى كيفاش عايشين ... و كيفاش باش يموتو ... ديمة كي ناخذو مثال ... اما يكون عامّ ... انـّجمو نفهمو خير.


الزوز نسا لاهم مزيانين برشة لا خايبين برشة... في الوسط .. كل شي في الوسط .. الزين .. البدن ( مالقيتهاش بالدارجة لا بالعربية اما برّى نسمّيوها السكساويّة) .. الذكاء(أو البهامة ).. الفلوس .. المستوى التعليمي ..الخ
عزيزة مللي صغيرة ثمة نوع مالحرمان : ساعات تحبّ تلبس حاجات اللي والديها ما ينجّموش يشريوهملها ... انجيلينا كيف كيف... خاطر الطبقة العاملة في اروبا بصفة عامة ما ينجموش يشريو اللبسة دومارك الڥري .. و المذرّح غادي ما يتباعش كونشي تجيبو من پولونيا او غيرها
المشكلة هوما يظهرولنا لبّاسين ... امّا ديمة المشكلة پاراپور لشكون ؟
تكون لابس مثلا كوستيم مقني في حفلة فيها جماعة لابسين قشاشب تحسّ روحك روبار دي نيرو ... يدخلو جماعة عاطينها ڤوتشي و ڥالانتينو تولـّي تحسّ روحك ولـّيت عبد الحميد المْكسْتِمْ .. و المثال هذا يتطبّق على كل شي ... في الزين ... في البدنـّات في الفلوس و العلم و غيرو ...
هذاكة علاش السعادة اللي شعرت بيها عزيزة و اللي شعرت بيها آنجيلينا كيف كيف خاطر مايلزمناش ننساو حاجة مهمة برشة : مثلا :عزيزة كانت تاكل في شكلاطة سعيد ... تعجبها ... آنجيلينا تاكل ديما في الشكلاطة السويسرية ... تعجبها .. كي طاحت عزيزة مرّات بالشكلاطة السويسرية زادت شاخت ... انجيلينا ما عاد تشيّخها حتى شكلاطة في الدّنيا .
نجيو توّى لمرحلة البلوغ: 15 سنة .. آنجيلينا مزيانة .. اما پاراپور لصاحباتها عاديّة برشة .. عزيزة كيفكيف ... آنجيلينا عملت صاحب ... عزيزة يلزمها تستنى حتى يجي ولد الحلال .. آنجيلينا فقدت العذرية مع فرخ عمرو 17 .. هو بيدو مازال ما يعرفش مليح .. امور لامور ماكانتشي حاجة خارقة للعادة . 25 سنة عمر آنجيلينا ... عرفت فيهم 4 ذكورة ... بون ينجّمو يكونو اقل ولا اكثر .. انا عطيتكم المعدّل ... هاو قصير هاو طويل .. هاو مرخوف هاو مكبوس .. هاو مشعّر هاو مطهّر ... هذاكة كان معايا حنين ... لاخر فذلاك .. لاخر أشبّ .. الخ .. آنجيلينا تفرّجت مع صاحباتها في الپورنو و شافت رجال و ز.وب انواع و اشكال .
عزيزة مسكينة كل شي عيب و حرام .. حتى كي كان عمر شريف يبوس فاتن حمامة في التلفزة بوها يبدّل ... و هي تحشم ... ماذابيها تشوف امّا عيب ... حاسّة بالانوثة متاعها اما يلزمها تصبر ... حتى باش تمسّ روحها تخاف .
في الامور الاخرى ثمّة فرق ... آنجيلينا عايشة خير ... عندها الكماليّات اللي موش عند عزيزة
في فترة الطفولة المتأخرة و المراهقة : آنجل سعيدة اكثر
عزيزة خطبها صابر .. وليّد يخدم معاها في المعمل ... كانو ساعات بالسّرقة يمشيو لبالڥيدار.. يتمشـّاو... يشريلها شويّة كاكي ترميهم للقرودة ..و يدور بيها الدّورة بعيد عالعينين و يبوسها ... و يحبّ يتمادى ويبدا يرمي في يديه و هيّ تقلـو يزّي عزيزي .. حتى نعرّسو ..هيّ شاهية ... امّا حرام.
وقتلـّي عملت 25 عرّست بصابر ... و دخل بيها .. اوّل مرّة عزيزة تشوف في حياتها الـ .., و داخت .. ألحقها بصفوف النـّساء ... صابر بيدو مازال ڥيارج ... ڤامط أكثر منها ... شهر العسل عدّاوه في اوتيل بودورو في الحمّامات .. اما بالنسبة لعزيزة وصابر اوّل مرّة يمشيو لـ أوتيل ... كان جنة بالنسبة ليهم ... شبيك صابر دمو سخون .. و هي دمّها حَميم .. كل يوم ما بين 4 و 6 .. للي الشي قريب يمساط ... طيّحو شوية في الرّيتم .. و بعد زادو رجعو كي العادة ...
آنجيلينا في طمبكها .. كمّلت الفورماسيون متلعها و تخدم في ماڤازان عالكاسة .. كل مدّة صاحب جديد ... اما عندها مشكلة كبيرة .. تعرّفت مرّة على واحد اسمو نيلز ... كان كبير .. اكبر واحد شافتـّو ... نيلز بعثها بعد مدّة خاطر لقا شكون ازين منها ... مشكلتها كونها ماعادش ترضى بواحد اقل ماللي كان عند نيلز .. و توماس كان ضامر برشة ... البقية الكل باسلين .. تعرّفت مرّة على واحد عربي .. كان حزّار عليها برشة ... ستاحشت الحزارة متاعو ... كان يقلـّها كي تمشي معايا في الشارع ماتخزر لحتى راجل .. و كان كي يخزرلها واحد في الشارع يڤحرلو و يخرّج عينيه .. كانت ديمة تقلـّو يزّي مالتخلـّف .. اما في قرارة نفسها كانت تحسّ اللي هي انثى و تشيخ عالغيرة متاعو ... قصّتها معاه خاطرو ضربها و ضرب اللي شطح معاها في العُلبة ... توّى هاو عندها صاحب جديد مازالو كي نقـّلو مع بعضهم .. لاهوّ يحبّ يتنازل على عاداتو القديمة .. لا هي تحبّ ... بون .. ماهواش كيما فلان و لا فلان ... و خاصة موش كبير كيما نيلز .. امّا خير من بلاش .. بدات تخمّم .. زعمة بلاش خير ؟
عزيزة ساكنة في دارها الجديدة .. المصروف قدّ قدّ .. صابر عاقل و يصلـّي ... امّا مزال ما شبعش .. هي كيف كيف ... حتى حبلة في الشهر السّابع و ديمة عينها ...
صابر عندو 4 شهر ماللي قلـّها ماعادش تمشي تخدم ... يلزمك تتلها بالصغار توّى ... نعيشو باللي جاب ربّي

يتبع

مادّة الشطرنج عوض مادّة التربية الاسلامية : my blog ردّا على

جيت نكتب في تعليق عالمدونة متاع * خواطر* ياخي تحلـّيت في الكتيبة.
اللي فهمتو سي خواطر يحبّ :
1-ينحّي الباك
2-يردّ الجامعات هي اللي تختار الطلبة
3-يشجّع العلوم الانسانية معناها تاريخ و فلسفة و علم اجتماع و الخ (خاصّة الخ)
و قال:
4-التوانسة ما ينجموش يصنعو خيط ضوّ وحّدهم
5-التقدّم يتحقق موش كان بالتمكّن من العلوم الصحيحة

تعليقي:
1- .. الباك ولـّى لـُعَبْ .
اقتراحي: الباك يرجع صعيب باش كان النخبة هي اللي تقرى في الجامعة ,و البقية تكوين مهني. باش تكون عنا يدّ عاملة عندها مستوى ,و هكاكة في الصّناعات متاعنا و في الحرف ,تتنحّى لغة اللـّيقة تجيب و موش ظاهرة و شكون شافها و عاد شبيه و ليه ليه و الياطاش و الخ
عمركشي ريت معمل فيه 10 مهندسين و 5 حرفيّين ؟
يلزم نسبة المهندسين ما تفوتش في أقصى الحالات 15 او 20 في الميا و ال80 البقية يد عاملة مختصّة هذاكة علاش ما نوصلو لشي اذا كان بلاد بكلها مهندسين . المشكلة في السياسة متاع البلاد اللي كانت مطفـّية الضّو عالفورماسيون ... هاو الزّين عندو مدّة( مْديدة لا محالة ☺) يحكي عليها ... مازلنا ماريناش النتيجة .امّا كان يزيدو في المراكز و راس المال متاعهم ,و يزيدو شوية ريق في قناة 7 عالتكوين, و يعملو پروپاڤندا كيما نعرف في الجرايد و موزاييك و و ...و يردّو النّجار و التريسيان يخلصو كيف الموظفين و الاساتذة (كيما الاوروپ) ... تو تتحسّن الامور. و وقتها يصير التالي :
منتوجاتنا تولـّي خير من منتوجات "الخارج" خاطر الجودة كيف كيف و السوم ارخص (اليد العاملة متاعنا ارخص و التكاليف متاع النقل و الديوانة ما ثمّاش) وقتها الاقتصاد متاعنا يڤطـّع و ماعادش نقعدو معمّلين كان على برشة توريست كحيانين ...
2- مانيش باش انـّاقشك فيها لأهمّية النقاط الاخرى
3- بالعكس في تونس شوف فاك منّوبة و الفاك دي سيونس . تي احنا يلزمنا انـّقصو في التاريخ و الجغرافيا و الـ و الـ .
-الفلسفة : بلادنا بكلـّها فلاسفة ... برّى احكي مع الكوّاش متاع حومتكم تو تسمع الفلسفة الصحيحة ... ڤلـّو ماهو الجسد و ما هي الاخلاق ... حاجة اخرى راهو احنا البشر ماعادش انـّجمو نتفلسفو .. يعني اللي قالوه القدم وصلنا بيه لـالتـّوپ متاع العقل ... يعني تساءلو في كل ّ شي و في حتى شي و ماوصلو لحتى شي. البلاد الوحدة يلزمها اربعة خمسة فلاسفة كان طارت ... موش جيوش تحتل الكيران الصفراء و المبيتات
اقتراح : نسكّرو الفاك متاع الفلسفة و العشرة الاوّلانين في الفلسفة في الباك تبعثهم الدّولة على حسابها لأيّ بلاد يختارها كل واحد فيهم, و نعملولهم سيستام باش بعد ما يكمّلو يرجعو
-في البيداغوجيا و الترجمة و اللغات نمشي معاك ...
- التـاريخ و الجغرافيا و التربية الاسلامية و المدنية انـّقصو فيهم في عوض ساعتين في الجمعة تولي ساعة في الجمعتين و نعوّضوهم بعفسة جديدة : نولـّيو اوّل بلاد في العالم تقرّي الشطرنج في المكتب
ونعملو مادّة اسمها ثقافة عامّة نقرّيوهم فيها التاريخ من غير سخافات و السخافات نقصد بيها التواريخ الفضفاضة (شكون منكم مثلا يتذكّر وقتاش تأسست الدولة الفاطمية ؟) و حتى كان مازلت نعرف آش باش تفيدني ... قدّاش كنت نضحك على صحابي كي كانو يحفظو التاريخ عن ظهر قلب ..
نقرّيوهم زبدة التاريخ ...في عوض الجغرافيا و ارتفاع جبل "كالاوالا" نقرّيوهم عادات المجتمعات و الأعلام متاعها ... نقرّيوهم الايتيكات باش يعرفو كيفاش يتصرّفو و كيفاش يحكيو و كيفاش ياكلو و كيفاش و كيفاش ... كان الوالدين الله غالب عليهم ... هذا و غيرو في مادة اسمها ثقافة عامّة يعملو جوّ و يتزلـّزو في الحياة
و نزيدو مادّة اخرى : قانون الطرقات و السياقة ... باش تقلي يتكلـّفو ؟ نلقاو حلّ مالميزانيات اللي نصرفو فيها على المبيتات و الاساتذة ووو ... متاع الجغرافيا ووو ... و الدولة تعمل سوايع السوقان للتلامذة بسعر ما فيهش ربح ... و تزيد اتدعّم الحكاية .. نسلـّكوها و حتى مالعفسة بيدها تعطي فكرة طيّارة على تونس
نقرّيو الصغار التصميم مثلا ... السّينيما .. تعرف قدّاش ايطاليا تدخّل في جرّة كاڥاللي و ڤوتشى و غيرهم ؟ في بالك اللي السّينيما وحّدها في امريكيا تدخّل اضعاف ما يدخّلوه الكحيانين اللي يجيونا لتونس؟
و في الفاك, حتى العلوم الصحيحة الامور تبدلت ... توى اهم علوم اللي باش تقلب الدنيا هي الهندسة الوراثية و علوم الفيزيك الجديدة و غيرو .. هنا مازلنا بعاد برشة.
4- التوانسة ما يصنعوش خيط ضوّ وحّدهم موش خاطر ما يعرفوش .. خاطر كان انت مثلا تسحق باش تصنع بريكيّة و المارشي اللي عندك متاع 10 آلاف بريكيّة في العام تنجّم تبيع الكعبة ب دينار . الرّوصور الصّغير يلزمو مكينة تصنعو اما سومها 50 مليون و تصنعلك مليون روصّور في العام و انتي حاجتك كان ب 10 آلاف ... تولـّي تجيبهم من برّى (ال 10 آلاف روصّور) ... و تحكيها انت الحكاية لصاحبك في قعدة .. يولي يكتب مدوّنة يقول فيها التوانسة ماينجّموش يصنعو بريكيـّة وحّدهم ... فهمتني أخي
5- جاوبت عليه
ان شاء ما طوّلتش عليك .. هذا رايي ..... و الاختلاف في الاراء باهي ... و ينشـّط
سلـّم على زرڤ الوشمة
سلام

غزوة بدر ... لايڥ

أعرف انـّها فكرة مجنونة .. و لكنـّها نظريّا ممكنة: في يوم ما يتمّ اختراع التالي :
آلة يمكنها الانتقال الآني عبر الفضاء او السّفر عبر المكان بسرعة تفوق سرعة الضوء 1000 مرّة (من غير المعقول التسليم بأنّ سرعة الضوء لا يمكن تجاوزها )
كاميرا يمكنها التصوير بدقـّة على بعد آلاف السّنين الضّوئيّة و يمكنها بث الارسال بنفس سرعة المركبة الفضائية .
ماذا يمكننا وقتها ان نفعل ؟
نبعث بالمركبة الفضائية لتسافر في المكان لمسافة 2010 سنة ضوئية .. ستصل الى ذلك البعد بعد سنة ... ماذا ستصوّر الكاميرا اللتي بداخلها ؟
ميلاد المسيح
و ستصلنا الصور بعد عامين من اطلاق المركبة الى الارض و سنشاهد ميلاد المسيح مباشرة
على بعد 1400 و نيف سيمكننا مشاهدة غزوة بدرة و غزوة أحدعلى بعد نيفين و غزوة منهاتن على بعد 9 سنوات ضوئية فقط ...
حينها سنعرف الحقيقة ... كل الحقيقة .. كيف تحوّل بعض القرود الى بشر ... عصا موسى ...كيف بني الهرم .. من قتل كينيدى ...
واأسفاه ... لن أعيش حتى أرى هكذا اختراع

كاڥيار ... ملا ّ كاڥيار

انا و وليّد صاحبي ساعات تطلعلنا نحبّو نعملو كيف لي ميليونار ... امّا نهارتها تكلـّفتلنا غالية:شمبانيا و الكمية كاڥيار ... المياة ڤرام مالنوع المتوسط اللي ياكلوه الزواولة متاع الغـُنيا سومو 90 اورو ... فرحنا و عملنا طواول و كراسي و قعدنا. الزوز عمرنا ما ذقناه.. و بدينا نتطعّمو .. دارلي صاحبي قلـّي : تعرف على شنية ركبتلي توّى مع هالكاڥيار؟ قتلو انا: حورية متاع عين ... قاللي لا .. مّالا بوق ارض جوّ ... قلـّي لا ... قتلو مّالا سيّب روحك و ڤولها. قلّي هاو باش نسألك حاجة اخرى .. برّى عااااااااد ...قلّي باهي .. برجوليـّة امّا أبنّ ؟ الكاڥيار و لا ّ مرڤاز البهايم اللي كنّا ناكلو فيه في حومتنا ؟ مانحكيلكمش آش ضحكنا ليلتها... و عالفازة عطيناها بوق ماكانش في البرنامج .. الكاڥيار كمّلناه شماتة بركة خاطرو غالي .. و عدّيناها ليلة كاملة :توّى وحيّد هرڤمة في صبّاط الدّزيري خيرلي سهريّة في عـُلبة (معناها بْواطة) .. لا .. كعبات تريليا مشويّين عند كمال سرّة خيرلي من بْلا بْلا بْلا .. سيّبني أنا توّى ركبتلي عالبرويطة متاع باب سعدون : كسكرت و حارة مروّب خيرلي من بْلا بْلا و حتى كان معاهم بْلا .
آخر حاجة قالهالي : يا بابا ملـّة برد البرّة .. توّى صحفة لبلابي خيرلي من كـَلـْب مع پاميلا ..
واحد دزيري نعرفو هبط عمناول لتونس .. طلب مرّة صحفة لبلابي... مدّلو الصانع الخبز ...دارلو الدّزيري ڤلـّو: واش آ صااحبي
tu te fous dma guelle ?

سَاعَاتْ

سَاعَاتْ نِفـْرَحْ بـِيكْ
وْ سَاعَاتْ نِبْكِي عْلِيكْ
َساعَاتْ نِسْتـَنـَّاكْ
وْ سَاعَاتْ نِخْلِفْ بـِيكْ
وْسَاعَاتْ أنَا نْخَافْ مِنـّـِي عْلِيكْ


َساعَاتْ لِيلِي يْطـُولْ
ِو نـْخَافْ مِالمَجْهُولْ
ْو تِتـْعَدَّى الايَّامْ
عْلـَيَّ .. ِو الفـُصُولْ
ْو نَاسْ يْقـُولـُو ضَاعْ
نَاسْ قـَالـُو مَهْبُولْ
وْنـَاسْ عَرْفـُو اللـّـِي هْبَالِي بـِيك ْ مَا يْزُولْ


َساعَاتْ اللـّـِيلْ يـِطـْوَالْ
ْو قـَلـْبـِي عْلِيكْ يـِكْحَالْ
ِو نـْفـَكـّرْ بَاشْ نـنـْسَاكْ
ِو بْدَى حُبّـِي يـِذ ْبَالْ
َلكِنـُّو قـَلـْبـِي بْكـَى
دَمْعِي مِنْ عِينِي سَالْ
وَعْرَفـْتْ اللـّـِي نِسْيَانِي لِيكْ مُحَالْ

الكلمات هذومة ركّبتهم عالغناية متاع
terence trent darby
"delicate "
اللي صوتو باهي و يعرف الغناية .. يعطيها

سْحابـِة ْ ِصيفْ

سْحابـِة ْ ِصيفْ
مَارْوَاتِشْ أَرْضِي العُطـْشَانـَة
ْسقـَاتْ مْدينـَة وْ خَلا ّتْ رِيفْ
َقالِتـْلـِي أنا غُضْبانـَة

قـُلـْتِـلـْهَـا يا سْـحَـابَـة
مـاتِـمْـشـيـش عْـلِـيَّ
غَـطِـّي عْـلِيَّ شْـوَيّة
شَمْسْ الصِّيفْ قـِْويَّة
آمَانِكْ يَا سْحَابَة
فِي عِينَيَّ ضْبَابَة
عَنْدِي فِي قـَلـْبـِي صَابَة
َصابـِة ْ مْحَبَّة سْخِيـَّة
وَلا َّ ارْحَمْنِي بْمَطـْرَة
اسْقِينِي حَتـَّى قـَطْرَة
نْكـُونْ تـَحْتْ ظِلـّـِكْ فـَتـْرَة
ْو تِشْبَعْ مِنـّـِكْ عِينَيَّ
أَنَا نْحِبّـِكْ يَا سْحَابَة
أَنَا نْحِبّـِكْ يَا سْحَابَة
نْحِبّـِكْ حَتـَّى بـِالسّـِيفْ
سْحابـِة ْ ِصيفْ
مَارْوَاتِشْ أَرْضِي العُطـْشَانـَة
ْسقـَاتْ مْدينـَة وْ خَلا ّتْ رِيفْ
َقالِتـْلـِي أنا غُضْبانـَة

قـُلـْتِـلـْهَـا يا سْـحَـابَـة
قـُلـّـِي عْلا َشْ غُضْبَانَة
نـْحِبّ ْ نْشُوفِكْ فـَرْحَانَة
بـِيكْ المْطَرْ مِلْيَانَة
يَا سْحَابَة غَطِـّينِي
مِنْ عِينْ الشّـَـمْسْ احْمِينِي
ِبينْ احْضَانِكْ خَبّـِـينِي
وْ مَا تـْحِنّ ْ كـَانْ عْلـَيّ ْ انَا
نْخَافِكْ لا َ نْـشُوفِكْ غِيمَة
تكْرَه وْ تـْوَلـّـِي غـْرِيمَة
وْ مَا تـْكُونـْش ْ مْعَايَا رْحِيمَة
وْ تـَعْصَفْ بِيَّ بْلا َ حْنَانَة
تـَعْصَفْ بِيَّ يا سْحابَة
تـَعْصَفْ بِيَّ يا سْحابَة
وَقـْتِلـّي يْجِي الخْريفْ
سْحابـِة ْ ِصيفْ



يا حَسْرَة يا سْحابَة
كـُنْتْ نْراكْ يا سْحابَة
فِي اللـّـِـيل ْ نْرَاك ْ سْفـِينـَة
َمسْكُونَة بْطـُـفـْلـَة حْزِينـَة
طـُـفـْلـَة بـْعِينـْهَا اتـَّبـَّعـْنـِي
ِوتـْقـُلـّـِي كِلـْمَة حْنِينـَة
َولا َّ حْمَامَة فِي سْمَايَا
تـْطِيرْ عْلـَى انـْغَامْ غـْنـَايَا
ِتتـْصَنـَّتـْنِي وْ تِسْمَعْنِي
ِوتـََْوَلـّـِي تـْغَنـّـِي مْعَايَا
أ َنـَا نـْشُوفِك ْ فِي نـُومِي
عـْرُوسَة فِي أ َكـْوَارْيُومِي
ِلمْحَبّـِتـْهَا تـْرَجّـَعـْنِي
إذ َا النـَّاسْ يْلـُومُونِي
يَا حَسْرَة يَا سْحَابَة
يَا حَسْرَة يَا سْحَابَة
لـُونِك ْ كـَانْ نْظِيفْ
سْحَابـِة صِيفْ

سفينة الحرية

َسَنـَخـْرُجُ لِلـْمظاهَرَة
وَ ما أدْراكَ مَا المُظاهرة
سَفِينَة الحُرّيَّةِ قـَصَفَهَا الجَبَابِرَة
َتشـُقُّ البَحْرَ الابْيَضَ
تـَبْغِي أفـْوَاهًا جَائِعَة
أفـْوَاهُ مَلــَّتْ جُبْننا ...
و َخُضُوعَنَا
وَجُهُودَ الحَفـْرِ الضّـَائِعَة
لأنَّ َمِصْرَائِيلَ كَانَتْ سَدَّتْ المَعَابـِر َ
قـَدْ صَوَّرُوا نـَبـِييّنـَا يَهْوَى فـَتـَاة ً عَاهِرَة
فخَرَجْنَا لِلمُظاهَرَة...
قـَتـَلـُو مَنْ كَانَ عَلىَ ظَهْرِ السّـَفـِينَة
َسَنَخْرُجُ للمُظاهَرَة ....
نـُنـَدّدُ وَنَنـْدُبُ نـَقـُول ُ صَارِخِينَ :
إنـَّا مُسْتـَنـْكِرُونَ
النـّدب صَارَ عادَةً
من صُمِّ تـَقـَالـِيدِنـَا
إنْ أنـْتـُمْ تـَقـْتـُلـُوننـَا
َفـَذ َاك َ يَوْمُ عِيدِنـَا
نـَمُوتُ مُسْلِمينَ
حَتـّى لـَوْ تـَنـَاقـَصَتْ أعْدَادُنـَا
وَ انـْقـَرَضَتْ خِيـَامُنـَا
وَ ظـَادُنـَا وَ جـِيـَادُنـَا
حَتـَّى لـَوْ انـْقـَرَضْنَا
عَنْ بـَكْرَةِ أبـِينـَا
سَنـَظـَلُّ صَامِدِينَ
وَ نـَدْعَمُ المُظـَاهَرَة

إسرائيل .. شـدّولي منـّو

هذي قالتلهم راني بكـْـوارْطي.. و اللـّي عندو ريح يذرّي عشرة .. آش باش يصير ... باش يعملو شوية مظاهرات ... عقد اجتماع عاجل ... مجلس الامن ... الجامعة العربية ... باش يطالبو بفك حصار غزة . ذكيـّين برشة اليهود , يقلـّك هالمتضامنين باش يڤـلـّڤونا , ضربة ضربتين جاية سفينة : سفينة الحرية و بعدها سفينة التضامن و بعدها سفينة المحبة ... قصّ العرق تنشف العروق , العرب موش باش يعملو شيئ ... ايران كان باش تعمل حاجة : آش خص ّ: يستنّاو فيها ... لا الحصار باش يتنحّى مادام حماس موجودة ... لا العرب باش يحاربوهم .و صدّقوني كان تلحم... بنفس السّيستام ...قصّ عرق ... قنبلة نووية وحدة في مدينة عربية و يوفى اللعب , طالما العرب موش قاعدين يشجّعو في ايران باش تعمل القنبلة .. يلزم يكون ثمة توازن الرعب النووي ... العرب يلزمهم القنبلة القذرة .نهارت اللي نعملو التجربة الاولى في الصحراء الكبرى , توى تتبدل المشامية و تتبدل اللغة و يتبدل كل شيئ.. وحدة بركة تكفي تل أبيب ... نملكو القنبلة وممبعد نقعدو نتفاوضو مع اليهود ... حتاش للي تدور الايام و نولـّيو أحنا الأعْــلـَـوْن ... نهارتها نمحيوهم من فوق الارض .

ديني الاسلام و دينك مسيح-1

جِيُورْجيّة .. بْلـُنـْدَة .. شِفاهٌ غَليظـَة .. عَندها ڤــُمّايَة لا تـُوصَفْ ... سِلعَة غَوّابيّة.. ياسِر مبْلولة ... ديمة مبلولة ...هذا عْرفتو ممْبعـّد ... امّا نـْهارت اللي شفتها في الفاك في الصّال متاع الانترنات .. و هيّ داخلة ... جات العينْ في العين ... دَڤـّــِتـْنـِي ... دَڤـّـِيتـْهَا ... خزرة من عينك سحرتني ...جات قعدت في پوست وْرايا ... مالقيتش كيفاش نكلـَّمها ... الصّال مْعـبّية ... وانا ساعات نولي حشّام ...توّى ثمّة خمسة سنين ماللي تفارقنا... لليوم كي نـْشوفها نتـْخلـْبزْ و ندخل بعضي ... كل ما نشوفها نلقاها زادت انوثة و اناقة ... قداشني كنت مْدَكّ ْ ... ديني الاسلام و دينها مسيح .. بالرغم اللي هي على خاطري بَطـّلت ماكلة الحلـّوفْ .. و الغريبة اللي لتوّى ما عادش تاكل الحلوف .. عمرها ما كذبت علي و توّى زادة ما عندها علاش باش تكذب ... انا ساعات نكون حشـّام و ساعات نكون بْليد برشة و جَريء برشة ... رْميتْ كْحُلْ عالپوسْت .. نلقاها تـْشَاكِي في الايمايل متاعها ... صْمَرْتـُو عْلى مَرَّة ... بْعثتلها اي مايل مجنون عالبلاصة ... : هاني قاعد وراك ... كان الدڤة اللي دڤيتهالي صحيحة و انا فهمتها صحيح ... راهو شُعور مُتبادَل ... حتى انا نحب نقطـّعْلك شـْفايفك ... ياسر ڥولڤار .. اما ما باليد حيلة ... كنت هكاكة ... و قـْعدت نستنـّى فيها باش تعمل آكـْتووَاليزي ... و انا على اعصابي ... معاها كنت ديمة على اعصابي ... و كنت معاها صعيب برشة .. الناس الكل يقولولي اللي انا صعيب .. حَزّارْ برشة ... و راسي صحيح ... اما بعد مدة قصيرة معاها وليت عبد آخر ... لا ڥي اون رُوزْ ... شيلافورمي ولا ّ يقول صباح الخير لأعداؤو في الخدمة ... ولا ّ مايهموش ... يحبّ يكمّل الخدمة ليه ليه باش يروّح لـ 'مايا' ... الضوّ في داري مقصوص ... حتى في المانيا يقصّو عليك الضوّ كان ما تخلـَّصْش ... قاتلي ايجا اسكن حذايا حتى يرجع الضّو ... مازلت كي شدّيت خدمة ... حَبْرْ ما خْلـُصْت مْشيت خلـّصتو ... الضوّ رجع ... اما انا ما رجعتش ... مايا قتلي لواه راجع ... بالحق لواه راجع ؟ جنة عرضها السماوات و الارض ... نقوم الصباح الخمسة باش نمشي نخدم تقوم مايا معايا تـْجيبْلي الفطور للفرش و تحطلي ماكلتي في الصّاك و نعملو كـَلـْبْ و نمشي انا نخدم و ترجع هي ترقد ... وين باش نلقاه هذا الكل ... مومِسْ و طباخة و فامْ دُو مِينَاجْ ... على ذمتي ڥانـْتـْكاطْ بلاش فلوس ؟؟؟؟ هكة خمّمت ... قداشني لئيم ... قداشني حيوان ... ذيب ... يستنـّى في الفريسة متاعو تبـْلـَعْ الطـُّعْم.. تي هيّا شوف آش كتبتلك ... أغـْلبْ البـْلـُنـْداتْ يْحِبّو عالشكلاطي ... الرجل الشرقي ... يحبّوه صْعيبْ ... ثمة برشة نساء في أروبا ينطبق عليهم قول ام كلثوم : و يعجبني خُضوعي إلـِيهْ ... تـْحبّ تحسّ اللي الرّاجل مْسيطر عليها ... ياسر ساكـْسي ... بعد مايا ولـّيت نَنـْصح في صْحابي ... أحسن نساء في العالم هوما متاع أروبا الشرقية : تحْتـَرْمكْ و تـْخافْ مِنـّكْ كيما العَرْبـِيَّة ... و تـْشـَيّـْخِكْ كِيمَا الالـْمانِيّة ... قالولي أنْتَ ذ ُكُوريٌ جِدّا ...
وَ أخيرا .. قـْراتْ الاي مايلْ ... وِبْدَاتْ تِكـْتِبْ : آناهُوَ منهم انتي؟ اللي لابـِسْ شومِيزْ و لا ّ اللـّي لابسْ مريول ْمْخطـّطْ ؟
شنية ؟؟؟ صاحبي "كبّول" بجنبي نسيتو جملة
... يا وَيْلي ... قَدْ ذ َكـَرَتـْني في المَوْضعِ الثـّاني ؟ انّها انيقة جدّا فهي اذن تـُحِبُّ المتأنـّقين ...
آه ... كبّول أشبّ مني ...و بوڤوصْ عْليّ. في بالو بالفيلم ... متبّعو ملـّي بدا الاشهار ... تطلعشي الطفلة تلعب عالحبلين ؟ تطلعشي دڤـّتـّو هو زادة ؟ يطلعشي هو دڤـّها و ناوى عَالخْنـَنْ ؟ نطلعشي انا نِسْتخايـِل ْ اللي هيّ خزْرتـْلي جِمْلـَة ؟
يا وَيْلِي ....


يتبع

في زلمانيا

كنت جالسا في عربة المترو ... سارحا في خيالي .. رأيت عند المحطة جنودا.. و لكنهم أقزام.. أقزام جدا... كانو مصطفين متأهبين خامدين .. ثم تحركوا و صعدوا القطار ...بحث كل منهم عن مقعد شاغر و جلسوا لا يحرّكون ساكنا... الا من رحم ربّي ...
كان بينهم جندي قزم افريقي .. كان يختلف عن بقية الجنود... ليس فقط في لون بشرته بل تصرفاته كانت مختلفة جدا عن البقية .. كان يجري في العربة و يشاغب و يضحك و يتكلم بصوت عال
جائني و سألني عن اسمي ... فأجبته ... ثم سألني عن معناه فحاولت أن أجيبه ... ثم سألني عن عمري ... فقلت في نفسي : من يكون هذا المشاغب الفضولي ؟ سألته بدوري عن عمره فقال : خمس سنوات ...
حينها فقط انتبهت ..
لم يكونوا جنودا أقزاما ... انهم اطفال صغار في طريقهم الى المدرسة ... حينها ضحكت و استغربت و تسائلت . لماذا يختلف عنهم ذاك الافريقي؟ ألم تقع برمجته كما بُرمج الاخرون؟ ام ان ذلك يعود الى الاختلاف العرقي ؟ هذا الطفل يتكلم ألمانية مثالية كالالمان تماما .هو حتما مولود و ناشئ في هذا البلد ... يعيش مع والديه الافريقيين اقل مما يعيشه مع مربيته الالمانية و اقرانه الالمان ... مالذي يجعله مختلفا ؟
أطفال مبرمجون ... خامدون ... أليس هذا ضد قانون الطبيعة ؟ الاطفال الصغار لا بُد أن يكونوا مشاغبين ... عفويين فضوليين ... و خاصة شياطين ...أليس كذلك ؟
طبعا ....انهم يلعبون... و لكن طريقة لعبهم مبرمجة جدا جدا ... و بيداغوجياتهم مبرمجة جدا جدا ... حتى أنك تخال الثمار نضجت قبل أوانها
عندما يكبرون ...
قليلا ...
ذات مرة ...
تحدّثت الى بنت الخامسة عشرْ ...
متحررة ... حرة كالغجرْ
ناضجة ... لي تجاربُ شخصية ٌ كسائر البشرْ
امرأة أنا في مقتبل العمرْ
أنا أهوى الشوپينڤ ركوب الخيل و السفر
أدخّن السجائر العادية .. جرّبت الغير عادية
لا أشرب الا احتفالا عندما يحلو السهرْ
لي صديق منذ عام قـُدّ قلبه من حَجَرْ
لا يبالي بأنني ..... مازلت عذراءَ الدُّبُرْ