vendredi 2 décembre 2011

مشروع التصويت متاع النهضة فرصة ذهبيّة لليسار الغبي




الدستور بالمشروع النهضوي للتصويت كان في صالح القوى التقدمية
و القوى التقدمية مافاقتشي ببهامة النهضة و طلعو ابهم مالبهايم
و رفضو المشروع قال شنية استبداد
و باش نفسر وجهة النظر متاعي و باش ما نحكيش ياسر في العموميات
باش ناخو مشكلة النقاب مثال


اذا كان القوى التقدمية تفاهمت على انو الحرية في اللباس شي بديهي
لكن بما انو النقاب يتنافى مع الامن
تكون الحرية هاذي لاغية

كيما .. و حديثنا قياس .. حرية استهلاك المخدرات اللي يقول القايل انا حرّ في بدني
و صحّتي .. و هنا نحكي عالاستهلاك موش عالترويج
اما الحرية هذي لاغية خاطر ... موش عارف علاش
و اذا كان المشرّع يقول اللي هو يعرف مصلحة المواطنين في حكاية الاستهلاك فيمكنو زادة يقول نفس التعلّة باش يمنع النقاب

لكن السبب الرئيسي حسب رايي : الامن هو يلغي حرية النقاب
و اذا كان يحبو يتعداو لمسألة الاخلاق تلغي حرية التعرّي نحبّوهم يحددولنا الاخلاق و التعرّي و هذا يكون موضوع اخر و فصل اخر و موش باب من ابواب القياس كيما البهايم قاعدين يحاججو

نجيو توى نرميو كْحُل عالتركيبة متاع التاسيسي
شكون ينجم يكون مع المنع و شكون ضد
النهضة ضد بالطبيعة لكن شكون معاها ؟
الحامدي زادة ضد قعدولو 14 صوت
البقية الكل نورمالمون مع المنع
الخوانجية (النهضة و الحامدي) يعملو 103 صوت
مازالو 6 اصوات باش يعملو 108 اللي هي الاغلبية المطلقة 50 في المائة زايد 1
و هنا تولي حكاية شكون عندو فلوس اكثر:
الخوانجية و الا اللي موش خوانجية
و بالطبيعة اللي فاهم ائتلاف المؤتمر و التكتل مع الخوانجية على انو تحالف يعتزل التفكير احسنلو
لكن على المستوى النظري ناقصين 6 اصوات باش الفصل هذا ما يكونش في الدستور

بالمشروع متاع التصويت متاع النهضة تصير الحكاية هكة
اقتراح الفصل : منع النقاب
التصويت فصلا فصلا باغلبية 50 زايد واحد
النتيجة باش تكون : النقاب ممنوع ... في انتظار التصويت النهائي عالدستور بكلو


و هنا يكون النقاب قياس على اي فصل تحبّ القوى الديمقراطية تعدّيه
في مجال الحريات و حقوق المراة و غيرو

يخرج دستور يقهر الخوانجية
و يكون التصويت النهائي


التصويت الاول بالثلثين
الخوانجية عندهم الثلث المعطل
التصويت الثاني بالثلثين
الخوانجية عندهم الثلث المعطل
التصويت الثالث باغلبية 50 في المائة زايد 1 :
الخاونجية ماينجموش يعطلوه
الدستور شرعي و فاعل
و مدني و حداثي و ديمقراطي


بالتنقيح اللي تفاهمو عليه باش يصير استفتاء في الاخر
و بعد عام البلاد باش تكون تعوم في الخرى
و العباد لا عاد يهمها في انتخابات لا تات الامبوط
و اخطاني عيش خويا مالسياسة الكيلو طماطم بدينار
لكن الخوانجي يمشي يعطي صوتو مهما صار
و حتى برشة عباد ماللي ضد النهضة باش يقلك ياخويا نعم
و اخطاونا خلي نتعداو لما اهم



نشكر القوى التقدمية عالبهامة .. و ان شاء الله ديمة هكة

Aucun commentaire:

Enregistrer un commentaire