samedi 17 mars 2012

واااا زعْبَواهُ







هل سيقبلون بنتيجة الانتخابات القادمة ان لم تكن في صالحهم ؟
سؤال تبادر الى ذهني و انا اشاهد الجحافل اللتي تنادي بتطبيق الشريعة في صفاقس
و تطاوين و البارحة في باردو ... بعد ان رأيت وجوههم .. و سمعت خطب قيادييهم .. و استمتعت
بتصريحاتهم اللي تعبق علما و منطقا
انها الثورة الاسلامية في تونس .. هاهم يعودون الى دينهم اليوم بعد ان منّ الله
عليهم بثورة اطاحت بالطاغية
هم مستعدّون للموت في سبيل اعلاء كلمة لا الاه الا الله فكم واحدا فينا مستعدّ
ليموت من اجل تونس ؟
هم يحبّون الموت كما نحبّ نحن الحياة
البعض يظن ان هذه المرحلة لا بد منها .. لا بد من حكم الاخوان لفترة ما ثم سيلفظهم
المجتمع بعد فشلهم
لكن المجتمع سيتحوّل كلّه الى اخوان في ظل حكمهم


القرآن يُلقى به في المرحاض .. و نجمة داوود على حائط المسجد رُسمت بلون الدّم
السلاح في كل مكان . و الارواق النقدية اللتي تقطر زيتا في جيوب العلماء . و الجنّة تنتظر
الجيش الوطني مشكوك في امره .. و المدعو رشيد عمّار تأكّد لي منذ البداية
انه متورّط بطريقة او بأخرى ... فهو الوحيد الذي لم يتحدّث قطّ الى وسائل الاعلام
و هو بالتأكيد لحّاس و قواد و طحّان لان تونس لم تخض حربا قط و لتكون بتلك
الرتبة في دولة شعارها الطحين منذ خمسين عاما فلا بد ان يكون لك باع و ذراع
في ميدان اللحيس و التمقيص و عطيان الذل كارو
هل ان الغرب لما تفاجأ بالثورة اعطى التعليمات للتخلص من بن علي بالتنسيق مع عمار
في انتظار ترتيب البيت ؟
هل سيرضى لنا الغرب بالديمقراطية لننافسهم في الانتاج فلا نكون اسواقا يروّجون فيها
بضاعتهم ؟
هل خافو ان تكون تونس نموذجا اذا ما كانت ديمقراطية فيطالب بقية العربان بها
فيتحولون بدورهم الى دول تستغل ثرواتها في البحث العلمي و الصناعات ؟
هل سيترك الغرب الوطنيين و الاحرار في جيشنا الوطني يقمعون الاسلاميين اذا
ما انقلبو على الشريعية الانتخابية ؟
هل سيسمحون بتنظيم انتخابات شفافة المرّة القادمة ؟
لم اشعر انني سخيف جدا عندما اتحدث عن انتخابات من المفترض ان تُجرى خلال
سبعة اشهر ؟
لماذا اشعر برغبة جامحة في قتل 3 اشخاص دون غيرهم : رشيد عمار .. الهاشمي الحامدي
و سليم الرياحي ؟
و السؤال الاهم : لماذا كلما تذكرت بن علي ... اشتاق اليه ؟
اظن زعبع لم يكن ابا حنونا لمالك قناة نسمة دون غيره .. اظنه كان ابا حنونا للكثير
من التونسيين ... كان يعرف و كنّا لا نعرف ... كان نبيّا يوحى اليه
عذرا ايها الوطنيّون المدافعون عن الحريّات و الديمقراطية و التعددية
رغبة جامحة تتملكني كي اقولها دونما خجل او تأنيب ضمير
وااااااااازعبواه

jeudi 8 mars 2012

المؤامرة صحيحة .... و باش تلحم بالظبط عن قريب

موش ممكن النهضة تحكي حكاية خطيرة كيما هكة من غير ما يكون عندها ما تفضح في المستقبل .. ثمة شكون مالقوى الديمقراطية اتصل بسفارات غربية خاصة كيما فرنسا و امريكيا و طلب منهم باش ما يعاونوش حكومة النهضة و هذي حاجة عادية و حركة وطنية من ناس متأكدين اللي النهضة باش تهزّ تونس للهاوية و للتخلف خاطرهم ببساطة ناس خارجين مالحبوسات و عندهم اعاقات ايديولوجية تمنعهم باش يكونو سياسيين ممكن يقودو بلاد للتقدم و النمو و التطوّر
... لكن البهامة وين : الديمقراطين لتوّى لا فهمو اللي الغرب بصفة عامة كي جا الشبح متاع الربيع العربي و الخطر متاع بناء ديمقراطيات في الوطن العربي و هذا ما يشكل خطر على اسرائيل و اضعاف لاقتصاديات اروبا و امريكيا اللي يتمعّشو من بترول العربان و اللي يمثلو زادة سوق استهلاكية رهيبة ... كي جا الخطر متاع الديمقراطية اصرّو انو الاسلاميين هوما اللي يشدو الحكم و دعّموه اعلاميا و ماديا عن طريق قطر و السعودية اللي ماعادش ثمة عاقل على وجه الارض مازال يشك في التبعية متاعهم للغرب بصفة عامة و امريكيا بصفة خاصّة ... امريكيا ارادت تخلّف في تونس اذا حكموها الاسلاميين او فتنة اذا قاومو العلمانيين و هكاكة البلاد ما تقوملهاش قايمة و تونس ما تكونش قدوة للعربان اللي اذا كان شافو تونس شدوها العلمانيين و ولات فيها ديمقراطية و ازدهار الشعوب الاخرى تلفظ الاسلاميين و تطالب بالعلمانية
العلمانية اللي الاعلام العربي بالتنسيق مع الشيوخ و القنوات الدينية حوّلوها الى عداء للدين و الحاد و كفر ... و اعوذ بالله من العلمانية ... القوى الديمقراطية لتوة لا فهمت اللي ممكن فرنسا تعاطفت معاهم كي كانو معارضين لنظام بن علي خاطر ياسر دكتاتورية ... لكن كي يولي اللعب بعشاهم تتبدّل المشامية و تولي المصلحة الاقتصادية لفرنسا او اي دولة غربية فوق كل اعتبارات ... لذا اذا كان نحبّو نغيّرو الوضع يكون من داخل و بيدينا ... الشعب الجاهل اللي اختار الخوانجية باش يحكمو البلاد لازم توعيتو ... موش تعطيو فرصة للخوانجية باش يفضحوكم بحكاية خطيرة اللي اغلبية التوانسة باش يفهموها على انها خيانة لتونس ... السفارات عاودو الحكاية للنهضة خاطر يحبّوها تلحم ... و النهضة مكبّشة في السلطة و تحبّ تربح الانتخابات الجاية باي طريقة و باش تفضح اللي مشاو للسفارات ... و باش تلحم ...
و اياكشي تولع

mercredi 7 mars 2012

انجازات حكومة الخوانجية و انصارها : 46 انجاز خالية تماما من الاشاعات

1 احداث بئر علي بن خليفة
2 احداث منزل بورقيبة
3 احداث سجنان
4 احداث بوسالم
5 الجبالي يعانق ماكاين الصهيوني بحرارة
6 تعيين بوشلاكة صهر الغنوشي وزيرا للخارجية
7 محاولة تركيع الاعلام عبر مظاهرات و اعتصامات مفضوحة الاغراض
8 الاعتداء بالعنف على كريشان و الدريسي
9 المطالبة بدستور يستمد من الشريعة
مصدرا للتشريع عكس ما تمّ الترويج له في الحملة الانتخابية
10 شورو يستعمل آيات قرآنية لتهديد المعتصمين بتقطيع اوصالهم
11 الجبالي ينادي بالخلافة السادسة
12 هميلة يريد تغيير النشيد الوطني
13 احد نوّاب المؤتمر يريد انشاء خطة المأذون الشرعي
14هيئة للامر بالمعروف تتحصل على رخصة تحت مسمّى آخر
15 طارق ذياب صاحب المستوى التعليمي المتدنّي وزيرا للرياضة فيما زياد التلمساني المهندس الاول في الاعلامية لم يُعرض عليه المنصب
16 تنزيل الائمة بالقوة من على المنابر
17 الجبالي يتسوّل السعوديّين امام الكاميرات
18توتر العلاقات الخارجية مع فرنسا روسيا و الجزائر
19 الزجّ بتونس في صراعات اقليمية باستضافة مؤتمر سوريا
20 رمي الفضلات امام مقرات الاتحاد و محاولة تركيعه
21 المنصف العجيمي: اقالة ام ترقية؟
22 عدم الالتزام كتابيا بمدّة السنة للمجلس التأسيسي بعدما امضت حركة النهضة على موافقتها قبل الانتخابات
23 عدم المطالبة بجلب بن علي بحجة عدم الرغبة في احراج السعودية
24 قدوم الداعية المتطرّف وجدي غنيم
25 اطلاق سراح مغتصب اطفال لا لشيئ الا لانه اخ وزير العدل البحيري
26 وزير الداخلية في شريط يمارس الشذوذ يقولون انه مفبرك و لم يعطو التفاصيل او كيفية الفبركة او ملابسات التصوير
27 عودة المراقبة على حمة الهمامي و بعض المناضلين و تصريح المرزوقي يؤكد ذلك
28 طرد هيثم المكي من الوطنية
29 مدير جريدة التونسية يدخل السجن من اجل صورة
30 احراق العلم الامريكي امام سفارة الولايات المتحدة
31سحب مرشحين تونسيين لمناصب في الجامعة العربية دون توضيح
32 الاعتداء بالعنف على صحافيين في مسيرة الاتحاد من قبل البوليس
33 حركة مسلحة بجبل مطماطة
34 تكفير و هتك اعراض و اطلاق شائعات من صفحات الخوانجية عالفايسبوك
35 خليجيون يصطادون غزلاننا في الجنوب التونسي
36 خليجي آخر يهدم ضريح ولي صالح في قابس
37 اعتداء على جرحى الثورة من طرف البوليس
38 حزب المؤتمر يتقاسم الحقائب الوزارية المخصصة له بين اعضاء المكتب السياسي بالانتخابات السرية بين اعضاءه ثم يتحدثون عن حكومة كفاءات
39 اعفاء الياس الغربي من مهامه على رأس شمس اف ام
40 ايقاف 3 مغنين راب بعد انتقادهم للسلطة ... و تعمّد اجراء التحليل لاثبات استهلاكهم للزطلة
41 صمت مطبق على ما يجري في البحرين في وفاق تامّ مع سياسات دول الخليج دليل على العمالة و التبعيّة
42 الكتب الدينية الوهابيّة تغزو مساجد تونس و مدارس التعليم الديني
43 مظاهرات في سوسة يُلوّح فيها بالعلم الاسود امام حافلات السيّاح
44 اطلاق سراح 9 آلاف مجرم بينهم متورّطون في احداث سليمان
45 الاعتداء بالعنف على بعض الطلبة في منوبة
46 نـــــــــــــــــــزع عـــــــــــــــــــــلـــــــــــــــم تـــــــــــــونس من أعلى مؤسسة حكومية و الالقاء به
هذا قليل من كثير و ربّما ما خفي كان اعظم .. لم اشأ ذكر الاشياء اللتي لم نتأكد بعد من صحّتها مثل اعادة تعيين بعض التجمعيين و نسخ الارشيفات السّرية في بعض الوزارات من طرف نهضاويين او تعيينات الموالين للنهضة في المناصب الهامة

samedi 18 février 2012

موتو ببول بعيركم





الحكاية هذي صارت في حيّ شعبي جدّا في تونس العاصمة
فوزي وليّد عاقل قرى معايا في الابتدائى .. عاقل و بهيم .. كان ضعيف ياسر في
القراية .. و مايستوعبش
فوزي من عايلة فقيرة برشة .. من نوع اللي يجي للمكتب صبّاطو مقطّع
هذا كان اواسط الثمانينات
فوزي طلّعو فيه اسم دندونة ... خاطر سبحان الخالق .. وجهو جاي بالطول .. و يعطيك احساس
انك قدام ديك رومي في صورة بنادم.. و كنا الحقيقة متاع ربي.. حاڨرينو ... و عاملينو
التفريكة متاع الكلاس
موش ذنبو يقول القايل .. هذاكة اش عطاه ربّي : البهامة و الفقر و و بشاعة الرهط
و بالطبيعة كي تتلمّ العوامل هذي الكل .. كان السيزيام في الوقت هذاكة .. هو الصُّور
اللي ما يتعدّاوش منو الاطفال اللي كيف دندونة
و بدات الايامات تجري و دندونة ولى مالمرابطين ... و المرابطين في حومتنا هوما
الجماعة اللي ڨاعدين تحت البيطو ليل نهار في الحومة
و البيطو للي ما يعرفوش هو الـ
poteau
كيما ينطقوها ولاد حومتي
جوّ اولاد حومتي وقتها كان يتمثل في نشاطات ثقافية و فكرية و رياضية متعدّدة
تربية الطيور و تحسين النسل متاعها
مقابلات رياضية شبه يومية في كرة القدم
مقابلات في قاعة الالعاب لممارسة البيلياردو و الالعاب الالكترونية
العاب فكريّة كيما الدّامّة او العاب الورق
بالعربي الجْموع كانت نهار كامل تنيك في النوفي , و تكوّر في
البطحا الرّاس دنّوس , و تربي في العصافر, و تلعب بي بي فوت مْيا حيّة
دندونة كان يطوّر في مواهبو و ثقافتو في المجال البيولوجي اللي هو ملاحظة
سلوك الطيور و اصواتها و عاداتها الغذائية و التناسلية
رحلة دندونة مع الطيور كانت تنجّم تخلق منّو عالم احياء غول كيما داروين او علاّمة فذّ
كيما الجاحظ .. لكنّو ولّي في سنّ 18 تاجر عْصافر لا يشقّ له غبار
انواع العصافر الكل ڨاتلها مالكانالو للجغل للبردلون للشقشوق و غيرو
و ازدهرت التجارة متاعو .. و زادت سُمْعْتُو ضربت الافاق بعد اللي دندونة
ولّى مضاربي , و البونية متاعو يضربو بيها المثل و طبيعتو كونو ما يرشفها
لحدّ ولات لسان الناس الكل في الحومة و حتى في الاحياء المجاورة بحكم شهرتو
كتاجر
لكن المشكلة متاع دندونة كانت الجنس الاخر .. كل شي تبدل فيه الا خليقتو
البهامة متاع المكتب .. عوّضتها التجربة و الخلطة و الڨجمي
الفقر قضى عليه بالمهنة الجديدة اللي تعلمها و التجارة اللي يعيش منها
لكن رفض البنات لدندونة خاطرو ياسر موش اتراكتيف عملّو نوع مالعقدة
و حتى البنات اللي رقد معاهم كانو في اطار نيكة جماعية في قالب بلعة مع اولاد
الحومة اللي كل مرة يجيبو قحبة يتراتحو عليها .. بالطبيعة لا بريزرفاتيف
لا زبّي ... و العهدة هنا على الراوي اللي هو صديقي و ولد حومتي عز الدين بوصبع
اللي كان يمارس في الدعارة و الحفلات الجنسية اللي تصير في حومتنا
في نفس الفترة كانت بنية اسمها عايدة مالجيل متاعنا قرات معانا
عايدة زادة وصلت للصور متاع السيزيام و قعدت تحتو
و عدات الطفولة متاعها في معمل خياطة
تخدم و تبطل
و لاهية في دارهم
تعاون في امها في قضية الدار و بقية الوقت في ديار الجيران من دار لدار
عايدة كي بلغت .. ظهرت عليها الانوثة بطريقة فيها شوية مبالغة
البزولة تڨول بزازل امينة فاخت في طمبكها ... و ترمتها كان الفَزّْ ولد حومتنا , يحطلها
عليها كعبة البيرة ما تطيحش .. و هنا سبقتكم بالحديث على رحلة البغاء اللي عملتها
عايدة مع اولاد الحومة
عايدة تخلقت ميبونة من صغرتها .. و ولات في سن ال16 نجمة الحفلات الجنسية في حومتنا
و الحوم المجاورة . و طلعو فيها عايدة الزبراطة .. و كنا واحنا
صغار مانعرفو شيّ من علوم النكاح في ظل التعتيم الاعلامي وقتها من طرف
عايلاتنا و عدم وجود ما يسمى اليوم بالشبكة العنكبوتية
عاد طلعت حكاية موش عارف منين على عايدة الزبراطة ... انو ترمتها كبيرة بالشكل هذاكة
على خاطرها تنيّك كان مالترمة !!! و للتاريخ المعلومة الصحيحة عْرفتها كان ما نهار
الفزّ ولد حومتي قالي موش صحيح : عايدة تقبل مالنقب الثلاثة
برى يا زمان و ايجا يا زمان .. عنا واحد في الحومة يقولولو صلاح كان عاقل و متديّن
مْنعْ بقدرة قادر مالحبس و الاتهام بالانتماء ... كان ماركة موعضة حسنة و مواظب عالصلاة و كلامو حلو و رزين
و كانت الحومة الكل تحترمو عالاخر
نهار صارت عركة كبيرة في الحومة بين دندونة و واحد مالحومة في اطار بيعة
و شرية متاع عصفور .. السيد اللي شرى حبّ يعْوي دندونة في 10 الاف بقيّة حق العصفور
الحاصيلو الدمومات شرتلة و الرّب حشيش ... سيوفة و سكاكن و حجر تلفّ
بالشوالق و تصبّ عليه الڨاز و تحوّل
لمنجنيق
نهارتها تدخّل صلاح و تمكّن بكلامو الحلو و بعض الايات القرآنية و الاحاديث النبوية
الشريفة باش يفضّ النزاع ... و ولات بينو و بين دندونة علاقة قوية تترجمت
في تقهويجة يوميّة في قهوة اللّوح
دار النقاش بيناتهم مالاول على الصلاة و محبة ربي
و النبي للي وصل بيه لعذاب القبر و الحور العين و الثعبان الاقرع
و الجنة اللي تجري من تحتها انهار المرناڨ
و دندونة عمرو 30 سنة و مازال ما استحسنش .. و صلاح يقلو كان يهديك ربي
اتاو نعطيوك وحدة مالاخوات طاهرة عفيفة نظيفة متحجبة
عايدة الزبراطة عمرها وقتها 32 سنة ... صرمها ولّى شكارة .. حبلت و طيّحت 3 مرّات
فمها طاح مالشراب و شفايفها ولاو زرق نيلة مالدخان تخدم في معمل متاع خياطة ب 120 دينار في الشهر
تشوف في البنات في الشارع الحطايط و الماكياج و الشعر و السبايغ و الاولاد يكحلو
و هوما على شكون يرضاو ... و هي مسكينة ما نجمتشي تواكب اللموضة
وقت اللي البارابولات انتشرت اول التسعينات .. . تشاركت هي و اختها سوسن
و شراو برابرول
ولات كي ما تلقاشي كليب باهي و الا مسلسل حلوّ تعمل دورة على القنوات الاخرى
و بما انو عدد القنوات الدينية موش برشة حتى طرف اهاوكة كل مرة تقعد تسمع في شيخ
على سبيل حب الاطلاع
بالشوية بالشوية حالها تبدل و ولات مدمنة على
عمرو خالد
بعد مدة ولات تخمم باش تلبس الحجاب ... و جرّبتو في الدار تفدليك
لقات اللي مواتيها بما انو جبيها عريض و راسها كبير و شعرها مطرشق مالشمس
ولات تتفرج في الشيخ محمد حسان و اتباعو على قناة الناس و قناة الرحمة
صاحباتها اتدينو و خطبوهم اخوة مالمسجد و عرسو و متهنّين
تي هيّ
سهير بنت جميلة اللي كانو يعملو في الثريصام مع بعضهم و ساعات فور
و فايفصامات , و ڨانڨبانڨات رهيبة
تاريخية , خطبها اخ صاحب خوها يصلي معاه في الجامع
بدات عايدة الزبراطة تخمم اللي هي قريب تبور و اللي تحشاتلها و حتى اولاد الحومة
ماعادش عينهم فيها كيما قبل وقعدو ينيكو فيها كان الفروخ الصغار و الم
ڨمّل و خوه
لبست الحجاب و بعد الثورة لبست النقاب خاطر واتاها اكثر و فمّها الطايح و شفايفها الزر
ڨ ولاو مالاسرار العائلية
دندونة كبرت لحيتو و الحق متاع ربي واتاتو خاطر كان عندو ما يسمى
بالدوبل فك سفلي كيما اللي عند يونس شلبي او ما يعبّر عنو بالانڨليزية بال
double chin
برى يا زمان و ايجا يا زمان دندونة قال لصلاح : آ اخي .. لقيتليشي اخت جازاك الله خيرا ؟
قالو : الله المستعان اخي .. ابشر ابشر
بعد جمعة قالو ريت قتلك ابشر .. لقينالك اخت مالاخوات ملتزمة و لابسة نقاب
قالو شكوني قالو عايدة بنت الاخ الهاشمي
قالو نعم بابا .. انا ناخو عايدة الزبراطة ؟؟؟؟
هبل و طلعت كشاكشو ... هزو للشيخ باش يستفسروه في الحكاية
الشيخ بعد 8 أيات قرآنية و 22 حديث صحيح و 4 أحاديث من الضعاف رواهملو على سبيل الذكر لا غير
و جزء صغير من كتاب رياض الصالحين و قصة رهيبة من كتاب البداية و النهاية لابن كثير
و حكاية واقعية صارت في اليمن متاع اخ ستر اخت بعد ما التزمت فأصابهما خير كثير
اقتنع دندونة و عرّس بالاخت عايدة الزبراطة في المسجد و توى عايدة حبلة في السادس و هازة ولي العهد في كرشها اللي باش يسميوه سفيان و ديجا دندونة ولاو يعيطولو في الحومة ابو سفيان
يقول القايل علاش نحكيلكم في هالحكاية ؟
البارح نتفرّج في فيديو عالانترنت شفت دندونة في المظاهرة متاع جامع الفتح ياخي تذكرت حكايتو
تذكرتو .. و كان ينصر في الاسلام و يدافع على ربّي و يتصدّى للعلمانيين اعداء الدين اللي كيفكم
نصر الله الاسلام بدندونة و نصر دندونة بالاسلام
موتو بغيزكم

jeudi 16 février 2012

السّارح وجدي خضيرة

زوز سرّاح متاع معيز عند فلاح كبير و الزوز يحبو يترقّاو و الزوز قاعدين يستنّاو فيها لبعضهم شكون يحشيه للاخر عند عرفو ... واحد منهم ولد قحبة : مرّة يرفد بالة ڨرط و يخلّي الاخر يفيق بالبالة ناقصة يمشي يدزّهالو عند عرفو قال شنيّة زميلي سرق بالة ڨرط ... يجي الفلاح يثبّت يلقى الحساب صحيح يدور للقواد يقلو راك ظلمت الراجل ... القواد يحب مثلا ايترة حليب باش يروّح بيها للدار و يعرف اللي الفلاح باش يفيق بيه هكة و الا هكة ... يمشي لزميلو يقلو راني باش نهزّ اليوم 100 ايترة نبيعهم في سوق الجملة و نحط الفلوس في مكتوبي ... يمشي التّڨوْ كي العادة لعرفو يصب الصبة يجي الفلاح يبقى ايترة بركة ناقصة يدورلو الاخر يقول آ عرفي وخيّ ماني وخيّك راني قلّيل و حبّيت على ايترة حليب بنتي الصغيرة مريضة و امها ماتنجمش ترضعها ... في الوقت اللي الفلاح نورمالمون يطرّدو عالبلاصة خاطرو ماعندو وين يدور الريح يولي يتساهل معاه خاطرو متصوّر اللي هي خيانة كبيرة ... نفس السيستام تستعمل فيه النهضة باش توصل وين تحب ... تخرّج اشاعة انو خو الغنوشي خذا ترخيص ماك دونالدز بالاكتاف .. توصل الحكاية للتلافز و للراديوات و يطلع خو الغنوشي ميت .. تسبقلكم حكاية الشريعة في الدستور باش رد الفعل يكون ضعيف ... تقلكم 50 وزير و بعد تحط 40 بركة في الوقت اللي 40 برشة ... خبر بوشلاكة خرج قبل بشهر و وردة الفعل كانت عبارة على حارة مواطنين قدام الداخلية في الوقت اللي حادث كيما هذا يعمل ثورة جديدة في البلاد .. و اخر فضيحة فيزا مضروبة لعماد الطرابلسي هبطت بكري على الملعون الفايسبوك و المناهضين للنهضة يتبعو كي المعيز متاع سي وخينا السارح التڨوْ .. الباجات الكل تهبّط في ورقة الفوتوشوب *بكل احتراز* يلعن دين ربّكم ما ابهمكم

حكاية اخرى : اذا كان ماثماش في تونس شكون يناظر الجرذ وجدي غنيم و يندمو في النهار اللي طلب فيه المناظرة فعلى تونس السلام ..


في موضوع اخر حكاية التصويرة متاع سامي خضيرة الديوث : ياخي ها دين ربّ الحداثيين يستخايلو زبوبنا في سكندسنافيا و الا شنية حكاية زبور امهم ؟ انا مانحبّش امي و الا اختي و الا بنتي تشوف بزازل عند الاكشاك متاع الجرايد و الا صمبة متاع راجل كرارزو على برّة في الشارع قال شنية ابداع و فن ... يلعن دين ربّكم مانكتو زبوبنا و ربّحتو الخوانجية في الانتخابات كان انتوما بربّ بهامتكم .. برشة توانسة توى باش يقولو كان يشد حزب اخر في الانتخابات الجاية اتاو يكثر الفساد في تونس اكثر من وقت بن علي . تفوه

mercredi 18 janvier 2012

فيديو العريّض و الهولوكوست النهضاوي




المدونة فيها لقطة فيديو متاع شذوذ و شوية كلام زايد ..

بعد مادار الفيديو . نهبّط منو لقطة شماتة في النهضاويين اللي يسينياليو فيه خاطر كان جا مفبرك بالحق نورمالمون يخليو العباد تتفرج و تعطي رايها لكن الناس الكل ولاّت تندّد و تحكي على اعراض الناس و عيب و ما يجيش
و الفيديو مركّب و اساليب بن علي و التجمّع وووو
هذا الكلّو مغالطات منطقيّة بامتياز و لغة خشبيّة ماعندها وين توصّل و اذا كان فيديو
كيف هذا يتعدّى في المهموتة فيا خيبة المسعى
اولا حكاية مفبرك : ثمّة برشة انواع متاع تفبريك لذا نحبّ نعرف كيفاش مفبرك
جابو واحد يشبه للعريّض ؟
مخدوم بسوفتوار انفورماتيك ؟
الفرضية الثانية بعيدة برشة خاطر حتى الامريكان في التسعينات و صعيب باش يعملو
تفبريكة مالنوع هذا
و الفرضية الاولى نلغيوها كي نعرفو اللي النهضة بيدها معترفة اللي ثمة نهضاويين
تم الاعتداء عليهم .. و الحاكم في تونس كي يحبّ يصوّر يصوّر
العريّض ظاهر منسجم مع زميلو و عامل معاه جوّ و يحبّو



نجيو توّة للعبر مالفيديو :

كونو بن علي و بوليسيتو طحانة و موش رجال كي اعتداو على النهضاويين بالسيف نتصور شعور متفاهمين فيه الناس الكل

لكن انو يصوّروه بالسرقة ماثمة حتى مانع
كان جاو صوّروه يدوّش عريان و بعد يهبّطولو تصويرتو عريان ممكن عيب
لكن انو يكون طفّار و يرنّ و العياذ بالله فمن حق اي واحد يصوّرو
خاصة و انو السيد اليوم وزير الداخلية


تداعيات الفيديو :

اذا كان باش نقعدو نحكيو على الاخلاق فهذا مالمغالطات
اخلاق شنية ؟ و تشويه شنيّة ؟
الاعتداء عالاخلاق انك تصور مرا مع راجلها
لكن موش انك تصوّر مرا تخون في راجلها
هي من حقها تخون و تعمل اللي تحب
لكن كي تكون شخصية عامة الشعب من حقو باش يعرف اللي هي تخون
النهضاويين تعرضو في اغلبهم للاعتداء بالفاحشة و اللي يحب يثبت ينجم
يقرى مثلا على نبيل الواعر الله يرحمو
السؤال اللي يطرح نفسو

هل النهضاويين اللي تعرّضو للاغتصاب او مارسو اللواط طواعية قادرين باش يحكمو
البلاد ؟
هل انو الدوسيات متاع النهضة و حقيقة تورطهم في الانفجارات و الارهاب
باش تقعد مسكرة ؟
هل انو الشعب التونسي باش يقعد يعاني مالهولوكوست النهضاوي ؟
اليس من الاجدر تعيين وزير داخلية مستقل باش الحقيقة تظهر في نطاق الشفافية ؟
سؤالات كبيرة و اسئلة اخرى لازم الفيديو هذا يكون سبب باش يجاوبونا عليها
المهم انو جماعة الاعلام يخطاونا من لغة التنديد و الاخلاق و اللغة الخشبية
الهولوكوستية
بالطبيعة لا حرية اعلام لا زبّي .. بلاد زبي اللي مافيهاش حتى برنامج تالك شو
video

vendredi 13 janvier 2012

تقسيم تونس لزوز دول هوّ الحلّ






لاني قاعد نعمل في الاثارة .. لا خالف تعرف تعرف .. لا تات الامبوط
الافكار اللي في مخاخنا نطرحوها .. تراجعوها .. نحللوها .. نلقاو الحل
الحل للاسف تطبيقو قريب للمستحيل و الطرح في حدّ ذاتو ربّما من قبيل التهريج
لكن هذا ما يمنعش اني نطرح الفكرة
اولا : الحجم الجغرافي و السكاني للدولة عمرو ماكان و الا باش يكون
مقياس للتقدم متاع الامم او للسعادة متاع الشعوب اللي هي الهدف الاساسي في الحياة
السعادة هي انك تحقق اللي تطمحلو سواء كان فلوس و الا حرية و الا رغد العيش
و الا تطبيق الشعائر الدينية متاعك و تعيش سعيد خاطرك عارف روحك كي تموت باش
تمشي للجنة


و تونس اليوم زوز انواع و خليني نقول زوز رئيسيات
انصار الاسلام السياسي : و فيهم النهضاويين و السلفيين و بقية الانواع
انصار العلمانية : علمانيين .. مسلمين متنيّكين مالطرح ماركة شيخة .. ملحدين
شيوعيين .. يساريّين الخ
راطسة وحدة حرت وين باش نحطها هو العروبيين المتقومجين .. لكن نتصوّرهم
اقرب للجرذان



وحدة الوطن هي مالافكار اللي يلزمنا نراجعوها خاطر نيك امها في نيك امها
هالصراع الايديولوجي لاهو باش يوفى
و ما دام الصراع موجود ثمة عدم استقرار سياسي و مع الترهويج السياسي
مستحيل نقدمو .. و نسطر على مستحيل

عندي سؤال : هل انو من العدل باش شطر الشعب يتغبن و يعيش بقانون فرضو عليه
الشطر الاخر ؟

سواء العلمانيين فرضوه او الاسلاميين فرضوه

الاسلاميين في تونس شطر الشعب .. هوما ناس يحبّو يطبقو الشريعة و يعيشو
بيها .. الراجل يحب يخرج للشارع ما يشوفش مرا تستفزلو الرغبة الحيوانية
متاعو بدجينها المحزوق و الا بصدرها اللي شطرو عريان
ناس تمن اللي فلوس البانكة ربا
ناس تحب تقص يد السارق
انا نرى اللي مالظلم انو العلمانيين يفرضو عليهم قانونهم
كيما زادة ظلم باش هوما يفرضو علينا قانونهم
و بكلنا نعرفو اللي الاسلاميين ماشي في بالهم اللي سياسة التدرج هي اللي باش
يوصلو بيها للهدف الاسمى اللي هو الدولة الاسلامية


لذا السؤال هو : ويني المشكلة ؟
ويني المشكلة باش نقسمو تونس في زوز دول ؟
ناخذو شطر الشريط الساحلي و ياخذو هوما الشطر الاخر
شمال و الا جنوب الاستفتاء هو اللي يقرر الاغلبية المستقرة في ولاية معينة هوما اللي
يقعدو
الجمهورية القرطاجية
و الجمهورية الاسلامية القيروانية مثلا
كان ليا انا مثلا فسفاط قفصة نخليهولهم يمسحو بيه
انظمو هجرات جماعية و نشوفو حلول للمهاجرين للدولة هذي او تلك
اللي يرفض باش يهاجر يقعد و لكن يتطبق عليه قانون الدولة سوى العلمانية او الاسلامية
لكن اهاوكة حرّ باش يتمتع بالقانون اللي يتماشى معاه
لنا اعلامنا و لكم اعلامكم
لنا سافراتنا و لكم محجّباتكم و منقباتكم
لنا شعرنا بالجال و لكم جلابيبكم و لحاكم
لنا شرطتنا و لكم هيئات الامر بالمعروف

بالطبيعة الدولة العلمانية اللي نقترحها تكون دولة عادية فيها مسلمين نورمال
و جوامع نورمال و بواتات نورمال و بيران نورمال و كل شي نورمال
لكن فيها المبدأ الاول هو الحرية
بالعربي دولة قانونها و اعلامها و سياستها كيما النوريج باش تبدى التصويرة واضحة
و الاخرين يعملو الدولة بالشكل اللي يحبو عليه و نتفاهمو عالحدود و الامور
الكل مالاول على قنطرة صحيحة
و حتى الاشكاليات و الصعوبات اللي باش تجي مالاول الكل نلقاوولها حل



ثمة حل اقل راديكالية و اللي هو سيستام الفيدراليات و كل فيديرالية و قانونها
لكن غياب الارادة السياسية و برشة امور اخرى تخليني نميل اكثر و نتمنى
تقسيم تونس .. و اللي باش يقول لا نحب يقلي : علاش لا