mercredi 11 janvier 2012

النهضة و منامة العتارس






الواقع هو الارقام .. و الارقام هي الحقيقة و اللي صار اليوم باش يبدل مستقبل
تونس .. اللي صار اليوم هو اهم حدث بعد نتيجة الانتخابات متاع 23 اكتوبر
التحاليل العميقة العفاطة اللي يعملو فيها الدكاترة و الخبراء متاع السياسة و علم الاجتماع
الخ الخ .. هي تحاليل عقيمة و بصّاصة
الواقع يقول انو التحليل يلزمو يكون سطحي و قريب للتفاهة على النحو التالي
الارقام الرسمية تقول اللي النهضة انتخبوها مليون و نص
ثمة 300 الف انتخبو المؤتمر و 300 الف تكتل و 300 الف الهاشمي
و 150 الف التقدمي و مليون نص انتخبو البقية
البقية قوايم مستقلة و احزاب صغيرة
و البقية شيوعيين و عروبيين و دساترة و ناس حبّت تدخل للسياسة
حبّينا و الا كرهنا الشعب مقسوم نهضة و الا موش نهضة
و خليوني نقول الشعب مقسم بين نهضاوي و تونسي
خاطر النهضاوي ناضل و يناضل على خاطر الايديولوجية متاعو
و البقية في اغلبهم يناضلو من اجل الوطن
و هذا موضوع اخر
و الريق متاع حملة انتخابية و النزول الى الميدان بكلها كعك ما يطيّر جوع
الاعلام هو اللي باش يخدم الخدمة الكل
الاعلام مسيطرين عليه التوانسة
القضاء كيف كيف
الامن
الجيش
رجال الاعمال
الاساتذة الجامعيين
الكوادر الكبار في الادارات
الادباء و المفكرين و المثقفين و المدونين و الفنانين
بكلهم توانسة
جيت نخمم شكون هكة معروف و الا عندو سلطة نهضاوي ... لقيت كان طارق
ذياب و قناة الجزيرة و بعض صفحات الفايسبوك
هذا الواقع
و هذيكة الارقام
النهضة ما مسيطرة على حتى شي و كل ماتحاول تاكل شلبوق
و من احلى الشلابق شلبوق القضاء و شلبوق البنك المركزي
و التوانسة اللي تفرقت اصواتهم و ما كانوش يعرفو حجم الاحزاب و الانتخابات وين باش
ترصّي .. اليوم باش تكون التصويرة واضحة : ماكش نهضاوي ؟ ثمة حزب واحد
تنجّم تنتخبو : التحالف الجديد متاع البي دي بي و افاق و الحزب
الجمهوري و الاحزاب الاخرى اللي باش تجي
احسن حاجة عملوها اللي هوما خلاو التجديد و بقية الشيوعيين على برة باش
ما تصيرش حملات تشويه
و بالطبيعة برشة ناس انتخبو النهضة خاطر خايفين على الفصل الاول
مالدستور .. و الناس هذومة ممكن ينتخبو توانسة كيفهم بعد ما يطمانو
اللي تونس قعدت دولة دينها الاسلام في الدستور
الانتخابات الجاية باش تكون بين النهضة و الاتحاد الديمقراطي
نتمنى يسمّيوه هكة خاطر كلمة الاتحاد خفيفة
و هذي .. وديمة حسب رايي انا .. اهم نقطة في نجاح الحزب او الفشل متاعو
الاسم لازم يكون خفيف ... السوقة و الرعاع و الاميين و البهايم و الجبورة اللي انتخبو
النهضة و اللي انتخبو الهاشمي هوما اللي يعملو الفارق و اسم الحزب يلزمو
يكون من نوع خالتي منوبية اللي في تسكن في دشرة
في سليانة ما تنجمش تقول باش ننتخب الديمقراطي التقدمي
و الا افاق ... تنجم تقول و تحكي و تقنع جاراتها و صاحباتها باش ينتخبو
النهضة و الا العريضة و الا المرزوقي .... و الا الاتحاد
مليون و نص النهضة و الاتحاد كيفهم و الا اكثر
وقتها النهضاويين يفيقو من منامة العتارس متاع احنا شدينا الحكم و يكونو في المعارضة
اللي باش يكون دورها الوحيد : حماية الهوية العربية الاسلامية متاع تونس

3 commentaires:

  1. يلعن دين رب ها الفصل الأول الي عملنا بيه العار، فصل ما عنده حتى معنى إلا إذا فسرتو بتطبيق الشريعة أو عدم معارضتها باعتبار دين الدولة الاسلام، معناها ما عملنا شيئ، أجلنا المواجهة لحسابات شعبوية بهيمة ... دماعة آفاق زمارة عاملين مدونة بالدارجة، و في عوض تعليق حاطين كومنتير ،،،،، بربكم تحبوا تحكموا تونس بمستوى مدونة بالفلاقي و زيد من فوق كومنتير ..... زعام كان في الفصل الأول ما يتمسش ، باهي الفصل الأول يقول زاده لغتها العربية ... اشرب

    RépondreSupprimer
    Réponses
    1. يا انونيم زبي ... ماناكو زبوبنا كان المربّطين اللي كيفك من جماعة القطب و من لفّ لفهم .. عندك شعب فيه اغلبية اميّة و منافقين و بهايم و فقراء و تجي تحكيلهم عالديمقراطية و القيم الكونية و راس زبي ؟ و تقلهم نعملو دولة لائكية اتاو تولي امورنا باهية ... سكّر البيبان عالجرذان مالاول و بعد انشر التعليم و التنوير يجيك جيل متنوّر و ضد الجرذان بطبيعتو و ما عادش تخاف عليه جملة

      Supprimer
  2. ربك ماككم زايدتم على الهوية و الفصل الأول شكون انتخبكم، جي تحبي تحت من يمرد، سياسة سحب بساط هي ، شعب جاهل و ما يقراش مصجر ثقافة النايلسات و قناة الناس بما فيه أساتذة جامعة، شعب نهار 15 جانفي الجوامع الكل تقلبت وهابية و سلفية ، وين هاربين ؟ قص الراص تنشف العروق ، احنا ضد دين رب أي دين، ضد الاسلام و ضد التخلف و الناس هاي بدات تفيق الي نهضة أو تجمع الكل كلاب أما النهضة أنتن ببرشة و السلفيين خلي و أسكت، بهامة الي وخروا لتالي كيفكم خلاتنا في تونس في عوض نناقشو الخمار ولا عنا مشكلة نقاب جملة ، تحب تهزم الخوانجية؟ أضرب في صميم عقيدتهم ، الباقي الكل دق حناك و يزي يلا تزبزيب و أنا موش من القطب و لا من ضبوط القردة

    RépondreSupprimer