استراتيجية الحرب على الخوانجية

تحب تهزم الخوانجية؟ أضرب في صميم عقيدتهم ، الباقي الكل دق حناك .. هكة كان
التعليق متاع واحد انونيم عالكلام اللي قلتو في مايخصّ رايي انو النهضة باش تكون
في المعارضة بعد الانتخابات الجاية و اللي الناس هذومة باش يكون دورهم في المستقبل
محصور في حكاية وحدة : حماية الهوية العربية الاسلامية متاع تونس
انا نعتبر الخوانجية و العروبيين و الشيوعيين هوما الاعداء
و بما انو العروبيين و الشيوعيين ما عندهم وين يوصلو .. يكونو الخوانجية
هوما العدوّ الاخطر
الكلام و التحاليل متاع الدكاترة النفسيين و المفكرين و المحللين نراه في أغلب الاحيان
بعيد عالواقع
الدين افيون الشعوب لكن الادقّ : الدين افيون الفقراء
خريطة العالم تبيّن اللي ثمة عناصر تتواجد ديمة مع بعضها باستثناءات صغيرة
سببها امور تاريخية و جغرافية : وين ثمة فقر ثمة تديّن
و وين ثمة ناس كرز ثمة مستوى تعليمي اكبر و تديّن اقل
و في تونس اكثر الاحزاب لائكية اللي هو القطب اكتسح في تونس 2 وين ثمة
الكرز متاع النصر و المنازه و اللاك و المرسى
و في مصر الكتلة المصرية اللي هي تكتل متاع القوى الديمقراطية احسن نتايج عملتها
في المهندسين و الزمالك الخ
يظهرلي الارقام تتكلم وحّدها
و في العالم التديّن منتشر في بلاد العربان و في افريقيا و في الهند
و الدول الغنية كيما اروبا الغربية و اسكندينافيا
امريكيا فينومان في الحكاية هذي و هي الاستثناء و الاسباب ما زلت ما نعرفهاش
علاش الامريكان متديّنين و متقدّمين في نفس الوقت و الحكاية يلزمها بحث كبير
لكن الثابت انو وين ثمة تديّن وين ثمة فقر
في العشرة سنين اللي فاتو ثمة القس زكريا بطرس عمل مئات الحلقات على الاسلام
و السيد هذا ما ثماش على مدار التاريخ ... و سطرولي تحت على مدار التاريخ شكون
حارب الاسلام و العقيدة متاع المسلمين كيفو
آلاف التساؤلات و التناقضات و الثغرات و الاغلاط اللي لا عبار عليها
و اللي عجزو شيوخ الاسلام باش يجاوبو عليها
و تحت الضغط الشعبي و الاعلامي تلزّو باش يجاوبو
لكن كي جاوبو هاجمو القس في شخصو .. و هاجمو المسيحية .. و سبّو و قذفو
و عملو كل شي الا انهم يجاوبو على حتى 5 في المائة مالتهم متاع زكريا
نفس السيناريو صار مع القرآنيين بزعامة احمد صبحي منصور اللي كوّر بالبخاري
و مع المجدّدين و المصلحين كيما فرج فودة و سيّد القمني و اسلام البحيري
و القايمة طويلة برشة
هذا الكلو .. و مصر اللي فيها تقريب 10 في المائة اقباط .. الانتخابات جابت برلمان
فيه تقريب 80 في المائة اسلاميين : اخوان و سلفيين و حزب وسط

الارقام هذي تقول اللي زكريا بطرس و المصلحين في مصر بالرغم الشهرة متاعهم
و سيطرتهم عالاعلام فشلو مع الخوانجية و السبب انو التعليم و الفلوس و التدين
ثلاثى مربوط ببعضو
بالطبيعة ثمة متعلمين متدينين و ثمة كرز متديّنين لكن احنا نحكيو عالنسبة الكبيرة
خليني نقول انو 70 في المائة حسب التقريب في فشل زكريا و اللي كيفو هو ارتباط الفقر و التعليم و التدين
لكن زادة ثمة اسباب اخرى اقل اهمية
اولا : استراتيجية ضعيفة : في المناظرات الشيوخ ديمة يعملو في المغالطات المنطقية
كيما شخصنة الموضوع و الاتهام بعدم الاختصاص و تغيير الموضوع و الهروب
و تحويل وجهة الموضوع من نوع هل ترضاه لاختك و انت مسلم و الا موش مسلم
و المصطلحات اللي نمرو عليها مرور الكرام من نوع الاسلام هو الحل و الاسلام
دين رحمة و الاسلام صالح لكل زمان و مكان و هات من هاك اللاوي
حاجة اخرى : ماثماش شكون عمل ردّ على الردود
معناها الاغلاط و التناقضات اللي يسميوها الشيوخ شبهات ردّو عليها ردود
واهية و لكن اهم حاجة انو حجتهم كل مرة تتبدل
باش نعطي مثال باش تكون التصويرة واضحة :
ثمة حديث في صحيح مسلم يقول اللي الرسول كان يجامع في نساه و قت الحيض
و في القرآن ثمة اية تقول و اعتزلوهن في المحيض و لا تقربوهن حتى يطهرن
الشيوخ كي يجاوبو يقلك الرسول عندو حديث يقول اصنعو كل شيء في المحيض
الا النكاح
معناها الحديث ينسخ القران
و كي تجيبلو حديث فيه اللي الرسول كان يشرب في النبيذ يقلك لا القرآن حرّم الخمر
و الحديث لا ينسخ القرآن
يعني المطلوب اطلاع شامل و خضور بديهة منقطع النظير باش تحصر جرذ و تعطيه
على راسو .. و خاصة ما تخليهش يطوّل في الردّ متاعو بالتخريج و الحكايات الجانبية
و كان لزم تلخصلو كلامو و تجاوبو
و بالطبيعة المعرفة الكاملة بالعلوم الاسلامية من حديث و ناسخ و منسوخ
و فقه مقارن الخ الخ الخ لازم اللي يناظر يكون متمكّن و حافظ و قاري درسو مليح
لكن اللي تتوفّر فيهم الخصال هذي نلقوهم بكلهم يدافعو على فكرة معينة وحدة
كيما مثلا انو الحديث فيه الغالط و فيه الصحيح و اذا كان يقول بتحريف القرآن
باش يكون شيعي و يناقشوه في المذهب الشيعي اللي هو اتعس مالسنة و اذا كانو
مسيحي باش يناقشو المسيحية و اذا كان قال بتحريف القران و التناقضات باش يقولو
كافر ... الخ


نورمالمون كل واحد عندو هدف مالحرب الايديولوجية
الخوانجي يحب ينصر العقيدة متاعو
و الشيوعي يحب ينصر العقيدة متاعو
و الملحد يحب يثبت اللي ما ثماش ربي و اللي الاديان بكلها وهم
و اللاادري يحب الناس تعرف اللي ما ثماش دليل يثبت او ينفي اللي ثمة الاه
و اللي الاديان بكلها وهم

بالنسبة لي انا و برشة ناس كيفي شعاري : تمّن و الا يدّك في زبّي
و انا نمّن و الا يدّي في زبّك
اللي يهمّني البلاد هذي تكون احسن بلاد
و باش يكون احسن بلاد : التخنويج هو العايق

و باش نحاربو التخنويج لازم استراتيجية كاملة
على المدى الطويل
اهم حرب هي المناهج التعليمية و المحتوى متاعها
يلزم البلاد تكون اغنى و هذا بالطبيعة مربوط بالسياسة و شكون شاددها
على المدى القصير يلزم اللي يناقش يكون متمكن و ذكي و قوي و حاضر بديهيا
لكن بالنسبة لي ... و بما انو الصراع الايديولوجي هذا موش باش يوفى الحل هو تقسيم تونس لزوز دول
و هذا باش يكون موضوع المدوّنة الجاية