مبروك لينا

مبروك اللي رشحوك لجائزة نوبل للسلام .. مبروك حتى كان ماربحتشهاش و ان شاء الله تربح
و مبروك عالمدونين التوانسة اللي برشة ينبرو و يرشة ساكتين و ماقالوش مبروك و ماحكاوش عالحكاية تقولش عليها خبر عادي
مبروك اللي نورمالمون يدعموك و يطحنولك كان لزم كيما انا قاعد نطحنلك بالرغم ما نعرفكش و ما نظنش كان باش نعرفك
ان شاء الله ربي معاك و ان شاء الله اللي حاسدينك تقعدلهم مرارة في الحلق طول العمر

شعب فيه برشة بهايم

شهرين عالانتخابات و 3 ملاين توانسة مشاو قيدو
و برشة كيفي انا باش ينتخبو من غير تقييد و اللي صار اليوم الكلو
عملوه جماعة السياسة و التوانسة يتبعو كي البهايم
اسقاط النظام و مبعد ؟
ترى نتخيلو السبسي و المبزع استقالو غدوة اش باش يصير في البلاد؟
شكون باش يشد هالشهرين ؟
و هل في شهرين باش يستقل القضاء و تتحاسب رموز الفساد ؟
ثمة شاعر قال : لكل داء دواء يستطب به
الا الحماقة اعيت من يداويها
يلعن زبور ام البهامة و البهايم

علاش مانلعبوش مع الكلاب ؟

تتحلى المدونة هذا اليوم بفائض من الكلام البذي ء و المشين فالرجاء ممن يخشى على صيامه تأجيل الاطلاع الى ما بعد شقان الفطر او بعد عيد الفطر او الى حين يشاء الله

الشعب نورمالمون يحب اللعب
عاو بعض الحاجات الضاهرين
هاك البلدكّ سيدة العقربي علاش سيبوها تفصع ؟
خاطرها شادة الدوسيات على
برشة ريوس كبار مالنظام القديم
راي دوسيات متاع قحاب و زطالي و هات من هاك اللاوي و اش نحوالك مالتنتالي
شكون ينجمو يكونو ؟
مرجان ... جغام ... السرايطى .. رشيد عمار
المبزع الخ
التكاري ؟ كيف كيف
اللي بعدو ؟ يقوي سعدو
انا من رايي نخليوهم الكل يهربو او الاغلبية متاعهم
يعني ما نكبشوش برشة خاطر الشماتة ماعندها حتى فايدة
نهار اخر كي البلاد تاقف على ساقيها انجمو نحلولهم
دوسيات و نجيبوهم بالكعبة .. وقتها عاد يا عمى نعملوهم الفاحشة كيما تقول الشريعة
برشة ناس تجغجغ اسقاط النظام ... البصّ و الزهير
ناس منيّكة و العياذ بالله
و يسبو في السبسي ... !!!
السبسي ؟؟؟
ولد قحبة صرف
يعرف اللي مستحيل ... و مستحيل ... و مستحيل
باش نتخلصو من بقايا بن علي في 6 شهر
و موش في عام
و موش في عامين
يعرف اللي يلزم كل شي بالسياسة و هو اول واحد خايف على تونس
مالخوامجية و يعرف اللي هو كان باش يخرى فيه بالمحاكمات متاع
الوزراء القدم و جماعة التجمع و جماعة الداخلية ... باش يكورو بيه
و زيد مادام البلاد موش راكحة و الميديا مازالت ماحلتشي صرمها كيما يلزم
و القضاء مازال دوّحي يا مباركة ماناشي باش انجمو نعرفو
شكون مجرم و شكون لا و شكون بقايا بن علي اللي مازالت تصلح و شكون لا



بقايا بن علي اولهم رشيد عمار
تونس عمرها مادخلت في حرب و باش توصل في الجيش كيما وصل عمار
يلزمك تكون طحان لحّاس نيّاك مالبريمة و انا نحب نفهم حاجة : ياخي عمار ولد قحبة عمرو ماعمل انترفيو ؟ تونس الكلها تعدات في التلفزة بعد الثورة الا رشيد خرى .
بالك ولد قحبة ؟ و الا بالك ولد قحبة ؟
باش يورّيك اللي بكلو خنن و خايف يغلط يكذب يحشيوهالو من حيث لا يعلم




بعد عمار .... ثمة مناظر رئيسية ارتحنا منهم و ماعادش باش نراوهم :
بن علي
ليلي
صخر
عماد و بلحسن و كل من اللقب متاعو بن علي او طرابلسي
القلال
بن ضياء
محمد الغنوشي (العا قبة للغنوشي الاخر) و اللي معاه الكل
الغرياني
الرويسي
الزواري
سيدة العقربي
السرياطي
فريعة
قريرة
و خاصة عبد الوهاب عبد الله
و التجمع باي باي


نعمة من عند ربي
اللي باش يقلي التجمع ولى تجمعات و بلا بلا بلا
الكل حكاية فارغة و التجمع باي باي
ثمة كعبتين و كعبة مازالو مصدومين و مافاقوش اللي ثمة ثورة صارت و موش حاشمين
عملو احزاب و ممكن ياسر يتكتلو و اللي ممكن اكثر
انهم باش يخراو فيه
خاطر كان واحد منهم يوصل للحكم باش تقوم القيامة مرة اخرى
و نهار اللي المجلس التاسيسي يكمل خدمتو و يولي ثمة رئيس رسمي
الكلها
باش تقطع خاطر يعرفو اللي خرمهم متاع 20 شنة باش يتجبد و باش يتحاسبو


الخطر الكبير اليوم كان باش تدخل بعضها مرة اخرى باش تكون النتيجة واحد مالاثنين :
الخوانجية و الا العسكر
و الزوز عدم
هذاكة علاش يلزم توى الناس تستنى الانتخابات راهو موش وقت شماتة
و بالنسبة للشماتة و الانتقام ماثمة حتى امكانية توى باش نحاسبو حد
و خاصة الريوس الكبار
و كي نحبو عالقناصة و ريوس الفساد الكبار متاع الداخلية يلزمنا نصبرو
اللي حبيت نقولو انو الشعب التونسي يلزم يلعب مع الداخلية شوية
البوليسية وقت اللي يخرجو يطلبو المصالحة يلزمنا نصالحو
و كي يقولو عملنا حاجات باهية يلزمنا نقولولهم صدقناكم حتى كان هوما يكذبو
باش كي تصير المصالحة البوليس بيدو نهار اخر يجي يعمل حاجة خايبة يحشم على روحو
جماعة التجمع اي واحد يخرج مالبلاد نرتاحو منو
مايلزمناش نكبشو توى
نخليو الامر يستراح و بعد ميمونة تعرف ربي

لا الاه الا الله البخاري رسول الله

دين جديد ندشنو اليوم على بركة الله و هو البوخاريسم
لا محمد رسول لا حتى شي
البخاري هو المعجزة و انا واحد من الناس كنت غالط
البخاري في ظرف 16 عام كتب و جمع و سمع و ثبت في 600 الف حديث
و يقال 650 الف
حساب نساء مالباب الواطي 100 حديث كل يوم
شوف انت قداش من واحد قابلهم
كيفاش حكاولو
كيفاش و وقتاش كتبهم
قالو زادة كان يحفظ شي غريب
عمرو 18 حافظ 70000 حديث بالعنعنة و بكل شي
تصور فرخ صغير عمرو 18 حافظ 10 مجلدات عن ظهر قلب
معناها كيما نقولو احنا فرخ كبول من كبابل توى حافظ
تاريخ البشرية من وقت اول ديناصور حتى لاخر ديناصور ركب عالثورة التونسية
هاي المعجزات .
محمد عندو القران 114 سورة في 23 سنة و جبريل هو اللي ملو عليهم
بالشوية بالشوية
البخاري صلى الله عليه و سلم عمل ما يسمى بالجرح و التعديل
و عمل هاك العلوم متاع المتن و الاسناد
و ثبت في كل حديث و صحح اللي صحح و حسن اللي حسن
و ضعف اللي ضعف و كتب و راجع الكتاب 3 مرات و صلى كل
مرة ركعتين قبل ما يحط واحد من هاك ال 7000 حديث صحيح بمعدل
يوميا 100 حديث يغربلهم و يصفيهم و يعديهم عالسكانار
و من هنا نستنتج :
البخاري لا ياكل لا يشرب لا يخرى لا يرقد لا يكتـّـل لا يفشـّـل لا يبشـّـل
سبحان الله ... هاو الاعجاز
وتقولو محمد هو الرسول يا كفار ؟؟؟!!!؟؟؟
البخاري معصوم من الخطأ بشهادة كل علماء الامة و الاحاديث اللي حطهم الكل صحاح
و محمد موش معصوم و ربي قداش من مرة يعطيه على راسو في القرأن الكريم
كيما سورة عبس و غيرو
البخاري صلعم ما يغلطش
قادر على المعجزات
هو اخر المرسلين به امنت و هو اشرف المبعثين
شكون اخر زادة فيكم بوخاريست ؟

برافو تكريز

تفرجت في اول فيديو يعملوه جماعة تكريز ... 35 دقيقة كاملة .. حكاو عالغنوشي
و عالبوليسية و المعارضين و الفايسبوك و برشة حاجات
و فهمنا اللي جماعتهم - حسب ماقالو - هوما اللي ڤربعوها نهار السبت
الفيديو فيه برشة كلام زايد و كفر
فيه تحقير لبعض عباد اللي مايستاهلوش السّبّان بصراحة
اما انا مع التكريز في اهم حاجة : البوليسية متاع تونس يلزم الشوكة متاعهم تتكسّر
طغاو أكثر ماللازم
و حتى كان يولي ثمة عدل في تونس العقلية متاع البوليسية ماهياش باش
تتبدّل فيسع
هذاكة علاش البوليسية يلزمهم يحسو اللي كيما هوما يضربو شكون يحبو
ثمة شكون ينجم يولي يصطاد فيهم كي الذبـّان
يلزمهم يخافو ...
انا مع الاصلاح التدريجي ... لكن انا زادة
مع التكريز خاطر تونس يلزم فيها هكة و هكة
العنف وحدو مايجيب كان الدمار
و باش نخراو فيه بالسياسة يلزمنا نصبرو برشة و الحكاية باش تتطوال
و ممكن تعطل الامور الكل
العقلية متاع زنوس الداخلية ممكن ياسر ما تواكبش نسق التغييرات السياسية
معناها مثلا بعد عامين تونس تولي ديمقراطية بنسبة باهية
الميديا محلولة و القانون يتطبق
انجمو نلقاو البوليسية مازالو موش قابلين الشيئ هذا
و هذا ينجم يعمل مشكلة كبيرة برشة فوق مانتصورو
هذاكة علاش انا مع حشان ساقين البوليسية بأي طريقة
و ممكن حتى تتطور تكريز و تولي سلاح قوي برشة في وجه ناس
غلـّبو علينا و مالقينالهمش حل كيما وليد الزراع او غيرو ...
ينجمو نهار آخر مثلا يخطفوالمدعو وليد الزراع
يڤرّعولو .... و يعملولو البوماضة متاع الضـّـبابط في راسو باش ماعادش شعرو ينبت جملة
و هكاكة ماعادش يمدّ وجهو في التلفزة
برافو تكريز
و ان شاء الله ديمة مكرّزين

هاو القطعان مع الماضي

جماعة القصبة المعتصمين شكون يحرك فيهم ؟
المطالب متاعهم صحيحة لكن ناقصة أهم حاجة ؟
شعارهم قالك القطع مع الماضي ؟
ابطال الاستمناء السياسي متاع احزاب المعارضة اللي كانو يعرفو كان يناشدو و يثمنو
موش ماضي ؟
اتحاد الشغل اللي كان يحب بن علي اكثر من ليلى موش ماضي ؟
كيما التجمع ماضي .. كل من اثبت تورطو مع بن علي ماضي
علاش موش من ضمن الشريطة متاع المطالب متاعكم ماذكرتوش الشابي و ابراهيم و جراد و غيرهم مالخونة ؟؟؟؟؟؟؟؟
علاش ماقلتوش تجميد نشاط المعارضين السياسيين اللي ناشدو بن علي !!!!!!!! ؟؟؟؟؟
علاش ماقلتوش عبد السلام جراد ديقاااج ؟؟؟؟؟؟؟
نسيتوهم هذومة و الا قالولكم طفيو الضو ؟
برشة خوانجية في القصبة ... وبرشة جماعة وراهم أجندا
-
-
-
حاجة أخرى

ثمة أنواع جدد متاع لوبان في تونس 14 جانفي :
ثمة لوبانة يا آرسيديست
اللي يقول رايو ... و يكون ضد الاعتصام يقولولو يا آرسيديست
يا اللي تحب التجمع يرجع يحكم في البلاد
نحب نفهم كيفاش التجمع ينجم يرجع للحياة السياسية ؟
الوجوه الكبيرة معروفة و تحرقو سياسيا
المقرات متاعو الكل باش ياقع تأميمها
عار اليوم و غدوة في تونس انك تقول انا تجمع
الفلوس متاعو تجمدت
عملو مطلب باش يحلوه نهائيا
حتى كان باش يرجع باسم اخر العباد باش يقلبو الدنيا
عبد الوهاب عبد الله - الزواري- الجيلاني-الغنوشي - المبزع جمعتين اخرين
القلال - برهان بسيّس - عبد الغزيز بن ضياء - الغرياني - مرجان
و القائمة طويلة جدا
هذوما الكل باااااااااااااااااي بااااااااااااااااي
تشدو ما تشدوش ... في الحبس و الا اقامة جبرية ... الناس هذومة الكل
و غيرهم برشة ... في الفترة الجاية موش باش يرجعو يمارسو السياسة
الناس هذومة باش يحاربو باش مايدخلوش للحبس ...
غير يسلكوها بركة
باش نقولو الفوضى تساعدهم باش يهربو مالمسائلة وقت اللي الناس تكون لاهية
في الفوضى و العصابات
هوما يعرفو احنا نعرفو اللي عندهم حل واحد : الهروب
و حتى الهروب موش العمر الكل ... باش نجيبوهم باش نجيبوهم
باش تقولو طمس الحقائق : اول حاجة توى بعد شهر و نص : دزو خوه ... الجماعة تصرفو واللي صار صار
ثاني حاجة ثمة محاكمات علنية باش تصير و شهود و غيرو
و اللي باش يسلكها فيهم باش يعدي بقية عمرو في الحبس
معناها يزينا من لوبانة التجمع ... التجمع باي باي
ثمة زادة لوبانة الخوانجية : هنا لوبانة من نوع آخر :
بن علي هو اللي عطاكم فكرة غالطة عالنهضة
النظام البائد كثر الفساد
النهضة حزب اسلامي معتدل
ظلمونا و قهرونا في عهد بن علي
امريكيا و الغرب هوما اللي شوهو الاسلام

يزينا ماللوبان ... و يزي ماليتم ... راكم عملتو العار

شكون عندو مصلحة في الفوضى غير الخوانجية ؟

حكاية جيوب النظام البائد ماعجبتنيش ... شنية مصلحتهم كي تدخل بعضها ؟
الامكانية متاع رجوع مناظر التجمع مستحيلة و هوما اول ناس يعرفو هذا
عائلة بن علي حدّث و لا حرج
جيوب أمنية و أمن الرئاسة كعك مايطيّر جوع : شنية المصلحة ؟
الحكومة هي بعثت المندسين ؟: مايساعدهاش ناس تموت و الناس اللي ماتو نهار السبت نتيجة للجبروت متاع البوليسية اللي برشة منهم يتصرفو وحدهم موش اوامر من عند وزير الداخلية البهناس
الغنوشي البارح مانجمش يقولها ... قال : أقلية و أغلبية
قال فلوس يفرقو فيها عالعباد : و جاهدو بأموالكم و أنفسكم
كان نحاولو نتخيلو المشهد السياسي بعد سقوط الحكومة هذي
ثمة شكون يقول مجلس تأسيسي و ثمة شكون يحب مجلس حماية الثورة مع حكومة انتقالية
و ثمة شكون يحب الجيش يشد الحكم ... 3 امكانيات بـ 9 سيناريوات او اكثر
الوفاق مستحيل يصير خاصة و انو الدستور تم خرقو البارح بطريقة تنفيه تماما
و ماعاد حتى واحد ينجم يقول : طبقا للدستور
نهارت اللي يجيو جماعة يقولو احنا عملنا مجلس تأسيسي .. مهما يكونو الجماعة هذومة
باش تولي اتهامات بالماسونية !! و الالحاد و الشيوعية
وفي الحالة هذي باش نوليو في صراع اديولوجيات و اللي باش يغلب بالطبيعة
الجماعة اللي باش يحكيو بقال الله قال الرسول
خاطر ما ثمة حدّ نادى باستفتاء لانتخاب أعضاء المجلس التأسيسي أو أعضاء لجنة حماية الثورة ...
من غير استفتاء شعبي ... الحرب الاهلية جايينها جايينها ....وقتها الناس ياروح ما بعدك روح
الناس ماعاد تفهم شي ...
و هنا يخرجولنا جماعة بولحية اللي محجمين اللحي و اللي برشة منهم
موجودين في القصبة و يقولولنا الاسلام هو الحل و نعملو حكم اسلامي *معتدل*
باش يجيو هوما في شكل الحل الطبيعي و الوحيد وقت اللي التوانسة يأيسو و يرضاو بأي حل ...
و الناس بالطبيعة تقبل بالحل *الطبيعي* و يقولو مانا الا مسلمين
صحيح اللي الحكايات اللي ريناهم متاع مظاهرات جماعة حزب التحرير افلام عملتهم
الحكومة ... لكن ما يلزمناش ننساو اللي الخوانجية هذي فرصتهم و البارح كانلهم انتصار كبير
و اذا كان باش نخليو جماعة القصبة يهزو بلادنا للهاوية ..
نكونو وقتها جبناها لرواحنا
و مانلومو على حد
علاش ما نعملوش اعتصام ضد الاعتصام
و في القصبة بالذات
مع الحكومة
و خلي يقولو ارسيديست


الله لا تربحك يا غنوشي يا جبان ..